ក្រុមហ៊ុន HMD Global ត្រៀមនឹងដាក់លក់ Nokia 2660 Flip ដែលមានពណ៌ផ្កាឈូក និងពណ៌ខៀវ

យោងតាម សារព័ត៌មាន Daily Mail បានឱ្យដឹងថា ក្រុមហ៊ុន HMD Global បានដាក់បង្ហាញទូរស័ព្ទ Nokia 2660 Flip ជាលើកដំបូងកាលពីឆ្នាំមុន ឥឡូវនេះក្រុមហ៊ុនបានបន្ថែមពណ៌ថ្មីចំនួនពីរ គឺពណ៌ផ្កាឈូក និង ពណ៌ខៀវ។ នាយកផ្នែកទីផ្សាររបស់ក្រុមហ៊ុន Lars Silberbauer បាននិយាយថា នេះគឺជាការឆ្លើយតបរបស់ក្រុមហ៊ុនចំពោះការកើនឡើងនៃប្រជាប្រិយភាពនៃទូរស័ព្ទ Flip ហើយក្រុមហ៊ុនជឿជាក់ថាចំណាប់អារម្មណ៍នេះគឺមកពីតម្រូវការដើម្បីគេចចេញពីការជូនដំណឹងឥតឈប់ឈរ ការបង្ហោះប្រព័ន្ធផ្សព្វផ្សាយសង្គមជាដើម។

Silberbauer ជឿជាក់ថាមនុស្សចង់បានភាពសាមញ្ញ ពេលវេលាជួបមុខគ្នាច្រើន ពេលវេលាគិត និងនិយាយកាន់តែច្រើនដោយមិនរំខាន។ សំខាន់ គ្រាដ៏ស្រស់បំព្រងក្នុងជីវិតកំពុងត្រូវបានបំផ្លាញដោយការជូនដំណឹង ឬការរំខានពីស្មាតហ្វូន ហើយនោះជាមូលហេតុដែល Nokia 2660 Flip ត្រូវបាននាំយកមកវិញ។

ទូរស័ព្ទ Nokia 2660 Flip គឺជាទូរសព្ទបត់ដែលមានទំហំត្រឹមតែ 4.25 អ៊ីង នៅពេលបត់ បង្ហាញអេក្រង់ទំហំ 2.8 អ៊ីង រួមជាមួយនឹងប៊ូតុងរូបធំជាងមុន ដោយគ្មានអេក្រង់ប៉ះ។ ខណៈពេលដែលវាមានកាមេរ៉ាខាងក្រោយ វាមានទំហំត្រឹមតែ 0.3MP ដែលទាបជាង 48MP នៅលើ iPhone 14។ ទោះជាយ៉ាងណាក៏ដោយ HMD សង្ឃឹមថាកាមេរ៉ាដែលមានគុណភាពទាបគឺល្អឥតខ្ចោះសម្រាប់រចនាប័ទ្ម "lofi" នៃជំនាន់ Y2K (កើតនៅចន្លោះឆ្នាំ 1990 និង 2000)។

ទូរសព្ទនេះក៏អាចទាក់ទាញអ្នកចូលចិត្តពិធីបុណ្យផងដែរ ដោយសារថាមពលថ្ម 26 ថ្ងៃរបស់វា និងសំបកប៉ូលីកាបូណាតធន់នឹងការធ្លាក់។ HMD ក៏​មិន​ភ្លេច​បញ្ចូល​មុខងារ​មួយ​ដែល​អ្នក​ប្រើ​ Nokia ចូល​ចិត្ត​ដែរ​គឺ​ហ្គេម Snake បុរាណ។

Nokia 2660 Flip មាន​ពណ៌ ​ផ្កាឈូក និង​ខៀវ ​ក្នុង​តម្លៃ​ប្រហែល 1.89 លាន​ដុង។