Nokia មានបញ្ហាម្តងទៀត

ដូច្នោះហើយ ស៊េរីទូរស័ព្ទម៉ាក Nokia ត្រូវបានដកចេញពីគេហទំព័រលក់របស់ក្រុមហ៊ុន HMD Global នៅអឺរ៉ុប។ ម៉ូដែលទូរស័ព្ទដែលទើបនឹងចេញថ្មីនឹងត្រូវប្តូរឈ្មោះ ខណៈម៉ូដែលចាស់ៗនឹងត្រូវបានប្រកាសថាជា "ចុងបញ្ចប់នៃជីវិត" និងលែងដាក់លក់ទៀតហើយ។ ដំណើរការនេះកំពុងប្រព្រឹត្តទៅដោយស្ងប់ស្ងាត់។

ទោះជាយ៉ាងណាក៏ដោយ នៅលើគេហទំព័ររបស់ក្រុមហ៊ុន HMD Global នៅអាស៊ី អាមេរិកខាងជើង និងអាមេរិកឡាទីន ទូរសព្ទ Nokia នៅតែមានដដែល ដែលបង្ហាញថាការផ្លាស់ប្តូរនេះមិនកើតឡើងក្នុងពេលដំណាលគ្នានោះទេ។ គេហទំព័របច្ចេកវិទ្យាមួយចំនួនព្យាករណ៍ថា HMD Global ទំនងជានឹងលក់ចេញនូវសារពើភ័ណ្ឌដែលនៅសល់ទាំងអស់នៅក្នុងតំបន់ទាំងនេះ មុនពេលបន្តការដកចេញ។

ហេតុផលដែលបានលើកឡើងដោយ GizChina ប្រហែលជាដោយសារតែអាជ្ញាប័ណ្ណប្រើប្រាស់ម៉ាកយីហោ Nokia នឹងផុតកំណត់នៅចុងឆ្នាំនេះ HMD ចង់ផ្តោតលើម៉ាករបស់ខ្លួនជំនួសឱ្យការស្នើសុំពន្យារ។

អ្នកជំនាញខ្លះនិយាយថា ទីផ្សារស្មាតហ្វូនមានការប្រកួតប្រជែងកាន់តែខ្លាំង ហើយ Nokia ហាក់ដូចជាបាត់បង់តំណែង និងលែងមានភាពទាក់ទាញសម្រាប់អតិថិជនទៀតហើយ។

ក្រុមហ៊ុន HMD មិនទាន់ធ្វើអត្ថាធិប្បាយលើខ្លឹមសារខាងលើនៅឡើយទេ។