“ដំណើរទស្សនកិច្ចរបស់ប្រធានរដ្ឋសភា ធ្វើឲ្យទំនាក់ទំនងវៀតណាម-ម៉ារ៉ុកកាន់តែស៊ីជម្រៅ”

ប្រព័ន្ធផ្សព្វផ្សាយម៉ារ៉ុកបានរាយការណ៍ជាឯកច្ឆ័ន្ទ និងវាយតម្លៃជាវិជ្ជមានចំពោះដំណើរទស្សនកិច្ចផ្លូវការរបស់ប្រធានរដ្ឋសភាវៀតណាមលោក Tran Thanh Man នៅព្រះរាជាណាចក្រម៉ារ៉ុកចាប់ពីថ្ងៃទី ២៤ ដល់ថ្ងៃទី ២៧ ខែកក្កដា ដោយចាត់ទុកថា នេះជាជំហានសំខាន់ក្នុងការពង្រឹងទំនាក់ទំនងមិត្តភាព និងកិច្ចសហប្រតិបត្តិការពហុភាគីរវាងប្រទេសទាំងពីរ។

សំដៅដល់ជំនួបរវាង ប្រធានរដ្ឋសភា លោក Tran Thanh Man និងនាយករដ្ឋមន្ត្រីម៉ារ៉ុក Aziz Akhannouch នាថ្ងៃទី 25 ខែកក្កដា ប្រព័ន្ធផ្សព្វផ្សាយម៉ារ៉ុកបានគូសបញ្ជាក់ថា មេដឹកនាំទាំងពីរបានបញ្ជាក់ពីការប្តេជ្ញាចិត្តក្នុងការជំរុញយ៉ាងខ្លាំងកិច្ចសហប្រតិបត្តិការទ្វេភាគី។

នាយករដ្ឋមន្ត្រីម៉ារ៉ុកបានវាយតំលៃខ្ពស់ចំពោះទំនាក់ទំនងមិត្តភាពជាប្រពៃណីរវាងប្រទេសទាំងពីរដោយសង្កត់ធ្ងន់លើបំណងប្រាថ្នាចង់បន្តគាំទ្រគំនិតផ្តួចផ្តើមនានាដើម្បីបង្កើនកិច្ចសហប្រតិបត្តិការ សេដ្ឋកិច្ច វិនិយោគ និងពាណិជ្ជកម្ម។

រីឯខ្លួនវិញ ប្រធានរដ្ឋសភាវៀតណាមបានអះអាងថា គោលដៅនៃដំណើរទស្សនកិច្ចនេះ គឺដើម្បីពង្រឹងទំនាក់ទំនងការទូតសភា ជំរុញទំនាក់ទំនងពាណិជ្ជកម្ម និងលើកកំពស់ទំនាក់ទំនងទ្វេភាគីឲ្យសមស្របនឹងសក្តានុពល និងទំនាក់ទំនងនយោបាយរវាងប្រទេសទាំងពីរ។

ភាគីទាំងពីរបានវាយតម្លៃថា ម៉ារ៉ុកអាចក្លាយជាស្ពានសម្រាប់ធុរកិច្ចវៀតណាមចូលទៅកាន់ទីផ្សារអាហ្រ្វិក ខណៈវៀតណាមដើរតួនាទីជា “ច្រកទ្វារ” សម្រាប់ម៉ារ៉ុកតភ្ជាប់ជាមួយអាស៊ាន-តំបន់ដែលមានប្រជាជនជាង ៦០០ លាននាក់។

សារព័ត៌មានម៉ារ៉ុកបានគូសបញ្ជាក់ថា ក្រៅពីកិច្ចប្រជុំថ្នាក់ខ្ពស់ ប្រធានរដ្ឋសភាវៀតណាមបានចូលរួមសិក្ខាសាលាគោលនយោបាយ-ច្បាប់ និងមានសកម្មភាពផ្សព្វផ្សាយសហគមន៍ រួមចំណែកធ្វើឱ្យស៊ីជម្រៅនូវទំនាក់ទំនងមិត្តភាពជាប្រពៃណីរវាងវៀតណាម និងម៉ារ៉ុកដែលបានបង្កើតឡើងក្នុងឆ្នាំ ១៩៦១។/។

ប្រភព៖ https://www.vietnamplus.vn/chuyen-tham-cua-chu-tich-quoc-hoi-lam-sau-sac-quan-he-viet-nam-maroc-post1051934.vnp