ប្រទេសស៊ូដង់បានជាប់គាំងនៅក្នុងជម្លោះដ៏កាចសាហាវមួយដែលបានផ្ទុះឡើងចាប់តាំងពីថ្ងៃទី 15 ខែមេសា ឆ្នាំ 2023 រវាងកងទ័ពរបស់ប្រទេស និងកងកម្លាំងគាំទ្ររហ័សប៉ារ៉ាយោធា (RSF)។ (ប្រភព៖ Getty)

លោក Elwaer បាននិយាយថា ប្រហែលពាក់កណ្តាលនៃចំនួនប្រជាជនស៊ូដង់បានរងផលប៉ះពាល់ដោយជម្លោះ ដែលកំពុងតែរារាំងដល់កិច្ចខិតខំប្រឹងប្រែងជំនួយមនុស្សធម៌ផងដែរ។

បច្ចុប្បន្ន FAO កំពុងធ្វើការដើម្បីចែកចាយគ្រាប់ពូជទៅកាន់ប្រទេសស៊ូដង់ ដើម្បីឲ្យប្រទេសនេះអាចផលិតបន្លែ និងស្រូវសាលីក្នុងរដូវរងារខាងមុខនេះ។

FAO បានបង្កើតផែនការឆ្លើយតបបន្ទាន់ចំនួន 104 លានដុល្លារសម្រាប់ប្រទេសស៊ូដង់ក្នុងឆ្នាំ 2024 ដោយផ្តោតលើការចែកចាយគ្រាប់ពូជសម្រាប់រដូវកាលទាំងមូល។

កន្លងមក អង្គការសហប្រជាជាតិ (UN) ក៏បានព្រមានអំពីលទ្ធភាពនៃគ្រោះទុរភិក្សនៅក្នុងតំបន់មួយចំនួននៃប្រទេសស៊ូដង់ផងដែរ។

របាយការណ៍ថ្មីមួយរបស់ការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ (OCHA) បានលើកឡើងពីភាពធ្ងន់ធ្ងរនៃវិបត្តិនៅក្នុងប្រទេស។

ទោះជាយ៉ាងណាក៏ដោយ រដ្ឋាភិបាលស៊ូដង់បានជំទាស់នឹងការអះអាងទាំងនេះ ដោយបដិសេធថាមិនមានការខ្វះខាតស្បៀងអាហារធ្ងន់ធ្ងរនោះទេ។