ថ្លែងមតិជាមួយអ្នកយកព័ត៌មាន Dan Tri ប្រធានគណៈកម្មាធិការប្រជាជនទីក្រុង Uong Bi (Quang Ninh) បានឲ្យដឹងថា ទីក្រុងបានសម្រេចផាកពិន័យរដ្ឋបាលលោក Vu Minh Hieu ដែលត្រូវបានគេស្គាល់ថាជាព្រះតេជគុណ Thich Truc Thai Minh ព្រះចៅអធិការវត្ត Ba Vang។

ព្រះតេជគុណ ថៃ មិញ ត្រូវ​បាន​ផាក​ពិន័យ ៧,៥ លាន​ដុង ដោយ​សារ​មិន​ជូន​ដំណឹង​ដល់​ភ្នាក់ងារ​រដ្ឋ​មាន​សមត្ថកិច្ច ពេល​រៀបចំ​ពិព័រណ៍​នៅ​វត្ត Ba Vang។

ជាក់ស្តែងក្នុងពិធីបុណ្យគម្រប់ខួប ៧៦៥ឆ្នាំ នៃការប្រសូតរបស់ស្តេចត្រាញ់ ញ៉ានតុង វត្តបានរៀបចំសកម្មភាពដាក់តាំង និងថ្វាយបង្គំនូវវត្ថុដែលគេស្គាល់ថាជា “ព្រះសារីរិកធាតុ” ដោយមិនបានផ្ញើសេចក្តីជូនដំណឹងទៅកាន់អាជ្ញាធរមានសមត្ថកិច្ចតាមការកំណត់ឡើយ។

ក្រោយប្រទះឃើញហេតុការណ៍ខាងលើ អាជ្ញាធរមូលដ្ឋានបានចាត់ឱ្យគណៈកម្មការសាសនាខេត្ត សម្របសម្រួលជាមួយគណៈកម្មាធិការប្រជាជនក្រុង Uong Bi ដើម្បីបន្តចុះពិនិត្យ បំភ្លឺ ចងក្រងកំណត់ហេតុ និងរាយការណ៍ជូនសមត្ថកិច្ចជំនាញ ដើម្បីចាត់ការអង្គភាពពាក់ព័ន្ធដែលបង្កឲ្យមានការរំលោភបំពាននេះ ។

ខេត្ត Quang Ninh ក៏បានស្នើដល់វត្ត Ba Vang កុំចងក្រង ឬផលិតវីដេអូ រូបភាព ឯកសារជាដើម ហើយត្រូវលុបចេញនូវរាល់ព័ត៌មានណែនាំវត្ថុដែលគេជឿថាជា "ព្រះពុទ្ធបដិមា"។

ដូច្នេះហើយ ក្នុងរយៈពេលមួយខែក្រោយឧបទ្ទវហេតុនេះ ព្រះចៅអធិការវត្ត Ba Vang បានទទួលការពិន័យពីរដ្ឋាភិបាលក្នុងតំបន់ និងការព្រមានដាក់វិន័យពីព្រះសង្ឃវៀតណាម។