នៅល្ងាចថ្ងៃទី ២៥ ខែកុម្ភៈ នាយកដ្ឋាននគរបាលចរាចរណ៍ (ក្រសួងសន្តិសុខសាធារណៈ) បានរាយការណ៍ពីវីដេអូឃ្លីបដែលថតបានរូបភាពរថយន្តមួយគ្រឿងបើករត់គេច ខណៈត្រូវប៉ូលិសចរាចរណ៍ដេញតាម ដែលត្រូវបានចែកចាយពេញបណ្តាញសង្គម។

តាម​ព័ត៌មាន​ឱ្យ​ដឹង​ថា ហេតុការណ៍​នេះ​បាន​កើតឡើង​កាលពី​វេលា​ម៉ោង​១​រសៀល ។ នៅ​ថ្ងៃ​ដដែល​លើ​កំណាត់​ផ្លូវជាតិ​លេខ​១។

នៅពេលនេះ ក្រុមការងារនគរបាលចរាចរណ៍ បានរកឃើញថា រថយន្តដឹកអ្នកដំណើរ បើកបរដោយលោក Nguyen Van Giang (កើតឆ្នាំ ១៩៧៤ រស់នៅក្នុង ស្រុក Que Vo ខេត្ត Bac Ninh) បើកក្នុងល្បឿន ៧៥ គីឡូម៉ែត្រក្នុងមួយម៉ោង ខណៈកំណាត់ផ្លូវនេះ អនុញ្ញាតត្រឹមតែ ៥០ គីឡូម៉ែត្រក្នុងមួយម៉ោងប៉ុណ្ណោះ។

បន្ទាប់មក សមត្ថកិច្ច​បាន​ឲ្យ​សញ្ញា​រថយន្ត​ឈប់​ដើម្បី​ត្រួតពិនិត្យ និង​ដោះស្រាយ​ករណី​ល្មើសច្បាប់​។ ទោះ​បី​ជា​យ៉ាង​ណា​អ្នក​បើក​បរ​មិន​បាន​គោរព​តាម​បញ្ជា​ក៏​បាន​បន្ត​បើក​រត់​គេច​ខ្លួន​បាត់​។

ពេលនោះ កម្លាំងជំនាញបានប្រើប្រាស់រថយន្ត ជំនាញតាមពីក្រោយ ហើយបានធ្វើសញ្ញា ម្តងហើយម្តងទៀត ឱ្យរថយន្តក្រុងឈប់ ប៉ុន្តែអ្នកបើកបររថយន្តក្រុង នៅតែមិនគោរព បែរជា តៃកុង ចូល និងក្រៅ បង្កគ្រោះថ្នាក់ ចរាចរណ៍ ដល់យានយន្តផ្សេងៗ។

អ្វី​ដែល​គួរ​ឲ្យ​កត់​សម្គាល់​នោះ រថយន្ត​នេះ​ក៏​បាន​ជ្រុល​ទៅ​បុក​ពី​ក្រោយ​រថយន្ត​របស់​សមត្ថកិច្ច​ជា​ច្រើន​លើក បណ្ដាល​ឲ្យ​រថយន្ត​រង​ការ​ខូចខាត។

ក្រោយឃាត់រថយន្ត សមត្ថកិច្ចបានកំណត់ថា រថយន្តនេះជារថយន្តអាជីវកម្មដឹកអ្នកដំណើរ គ្មានកាមេរ៉ាសុវត្ថិភាព ដឹកអ្នកដំណើរដោយគ្មានកិច្ចសន្យា ឬបញ្ជីកិច្ចសន្យាដឹកជញ្ជូន។ អ្នកបើកបរមិនមានជាតិអាល់កុល ឬគ្រឿងញៀន។

បច្ចុប្បន្ន ប៉ូលីសស្រុក Huu Lung (ខេត្ត Lang Son) កំពុងបំពេញសំណុំរឿង ដើម្បីឃុំខ្លួនអ្នកបើកបរឈ្មោះ Nguyen Van Giang ជាបណ្ដោះអាសន្ន និងចាត់ការតាមនីតិវិធី។

DO TRUNG