ចំណាត់ការនេះកើតឡើងចំពេលមានភាពតានតឹងបន្តរវាងទីក្រុងប៉េកាំង និងវ៉ាស៊ីនតោន។

ក្រសួងពាណិជ្ជកម្មចិនបាននិយាយថា វិសាលភាពនៃការរឹតបន្តឹងដែលដាក់លើប្រភេទម៉ាស៊ីន Drone មួយចំនួន បច្ចេកវិទ្យាឡាស៊ែរ ឧបករណ៍ទំនាក់ទំនង និងប្រព័ន្ធប្រឆាំងយន្តហោះគ្មានមនុស្សបើកនឹងចូលជាធរមានចាប់ពីថ្ងៃទី 1 ខែកញ្ញា។

ប្រភព Reuters បាននិយាយថា "ការពង្រីកការគ្រប់គ្រងរបស់ចិនលើយន្តហោះគ្មានមនុស្សបើកគឺជាវិធានការសំខាន់មួយដើម្បីបង្ហាញពីជំហររបស់យើងជាប្រទេសដែលមានការទទួលខុសត្រូវ អនុវត្តគំនិតផ្តួចផ្តើមសន្តិសុខពិភពលោក និងការរក្សាសន្តិភាពពិភពលោក" ។

តាមនោះ អាជ្ញាធរចិនបានជូនដំណឹងដល់ប្រទេស និងតំបន់ពាក់ព័ន្ធ។ ប្រទេសចិនគឺជាក្រុមហ៊ុនផលិតយន្តហោះគ្មានមនុស្សបើកដ៏សំខាន់ ដោយបាននាំចេញទៅកាន់ទីផ្សារមួយចំនួន រួមទាំងសហរដ្ឋអាមេរិកផងដែរ។

សមាជិកសភាអាមេរិកបាននិយាយថា ជាង 50% នៃយន្តហោះគ្មានមនុស្សបើកដែលលក់នៅក្នុងប្រទេសគឺផលិតដោយក្រុមហ៊ុន DJI ដែលមានមូលដ្ឋាននៅប្រទេសចិន ហើយពួកវាជាប្រភេទ Drone ដ៏ពេញនិយមបំផុតដែលប្រើប្រាស់ដោយភ្នាក់ងារសុវត្ថិភាពសាធារណៈ។

កាលពីថ្ងៃទី 31 ខែកក្កដាផងដែរ ក្រុមហ៊ុនផលិតយន្តហោះគ្មានមនុស្សបើកបានអះអាងថា ខ្លួនតែងតែគោរពយ៉ាងតឹងរ៉ឹង និងអនុវត្តយ៉ាងពេញលេញនូវបទប្បញ្ញត្តិនៃប្រទេស ឬតំបន់ដែលខ្លួនប្រតិបត្តិការ រួមទាំងតម្រូវការត្រួតពិនិត្យការនាំចេញដែលទើបចេញថ្មីៗរបស់ប្រទេសចិន។

DJI បាននិយាយនៅក្នុងសេចក្តីថ្លែងការណ៍មួយថា "ក្រុមហ៊ុនមិនដែលបានរចនា ឬផលិតផលិតផល ឬឧបករណ៍សម្រាប់ប្រើប្រាស់ក្នុងវិស័យយោធាទេ។ យើងមិនដែលធ្វើទីផ្សារ ឬលក់ផលិតផលសម្រាប់ប្រើប្រាស់ក្នុងជម្លោះយោធា ឬសង្រ្គាមនៅក្នុងប្រទេសណាមួយឡើយ" DJI បាននិយាយនៅក្នុងសេចក្តីថ្លែងការណ៍មួយ។

ពីមុននៅក្នុងខែមីនា ឆ្នាំ 2022 ក្រុមហ៊ុនលក់រាយរបស់អាល្លឺម៉ង់បានចោទប្រកាន់ DJI ពីការលេចធ្លាយទិន្នន័យទាក់ទងនឹងព័ត៌មានទីតាំងយោធារបស់អ៊ុយក្រែនទៅកាន់ប្រទេសរុស្ស៊ី ដែលក្រុមហ៊ុនចិនបានអះអាងថា "មិនពិតទាំងស្រុង"។

នៅក្នុងខែមេសា ឆ្នាំ 2023 ក្រសួងពាណិជ្ជកម្មរបស់ប្រទេសចិនបាននិយាយថា ប្រព័ន្ធផ្សព្វផ្សាយរបស់សហរដ្ឋអាមេរិក និងលោកខាងលិចកំពុងផ្សព្វផ្សាយ "ការចោទប្រកាន់ដោយគ្មានមូលដ្ឋាន" ដែលថាប្រទេសនេះបាននាំចេញយន្តហោះគ្មានមនុស្សបើកទៅកាន់សង្រ្គាមនៅអឺរ៉ុប ដោយអះអាងថានេះគឺជាការប៉ុនប៉ងដើម្បី "លាបពណ៌" ក្រុមហ៊ុនដីគោក។

កាលពីខែមុន ទីក្រុងប៉េកាំងបានដាក់កំហិតលើការនាំចេញលើលោហៈមួយចំនួនដែលប្រើក្នុងការផលិត semiconductor ដែលជាការផ្លាស់ប្តូរមួយដើម្បីឆ្លើយតបទៅនឹងទីក្រុងវ៉ាស៊ីនតោន និងសម្ព័ន្ធមិត្តរបស់ខ្លួនក្នុងការរឹតបន្តឹងការគ្រប់គ្រងលើការនាំចេញបច្ចេកវិទ្យា រួមទាំងឧបករណ៍ផលិតបន្ទះឈីបកម្រិតខ្ពស់ផងដែរ។

(យោងតាម ​​Reuters)