គ្រោះថ្នាក់​នៅ​រោងចក្រ​ស៊ីម៉ងត៍ ស្លាប់​៣​នាក់

នៅល្ងាចថ្ងៃទី ២៤ មករា ថ្លែងជាមួយអ្នកយកព័ត៌មាន ពីកាសែត Nguii Lao Dong ថ្នាក់ដឹកនាំគណៈកម្មាធិការប្រជាជនស្រុក Anh Son ខេត្ត Nghe An បានឲ្យដឹងថា គ្រោះថ្នាក់ការងារទើបតែកើតឡើងនៅរោងចក្រស៊ីម៉ងត៍នៅតំបន់នោះ ដោយបានសម្លាប់កម្មករ ៣នាក់។

មុននេះ បើតាមព័ត៌មានបឋម គ្រោះថ្នាក់នេះ បានកើតឡើងនៅរសៀលថ្ងៃទី២៤ ខែមករា នៅរោងចក្រស៊ីម៉ងត៍ Song Lam II ស្ថិតក្នុងឃុំ Hoi Son ស្រុក Anh Son ។ ពេល​នោះ ខណៈ​កម្មករ​កំពុង​សម្អាត​ចង្ក្រាន ស្រាប់តែ​បំណែក​ស៊ីម៉ងត៍​ជាប់​នឹង​ចង្រ្កាន​ខាងលើ​បាន​ធ្លាក់​មក​លើ​ពួក​គាត់ បណ្តាល​ឱ្យ​ស្លាប់​តែ​ម្តង ។

គេ​ដឹង​ថា កម្មករ​ទាំង​៣​នាក់​ខាងលើ​មក​ពី​ឃុំ Phuc Son និង Hoa Son បច្ចុប្បន្ន​បម្រើ​ការងារ​នៅ​រោងចក្រ​ស៊ីម៉ងត៍ Song Lam II ។

បច្ចុប្បន្ន​មូលហេតុ​នៃ​គ្រោះថ្នាក់​ការងារ​កំពុង​ត្រូវបាន​សមត្ថកិច្ច​ស្រាវជ្រាវ​និង​បំភ្លឺ​។