នៅវេលាថ្ងៃត្រង់ ថ្ងៃទី៣១ ខែមករា (ថ្ងៃទី៣ នៃបុណ្យចូលឆ្នាំថ្មី) ព័ត៍មានពីនាយកដ្ឋាននគរបាលចរាចរណ៍ (ក្រសួងសន្តិសុខសាធារណៈ) បានឲ្យដឹងថា នៅវេលាម៉ោង៦ និង៣០នាទីព្រឹកថ្ងៃដដែល នៅលើកំណាត់ផ្លូវ Noi Bai-Lao Cai មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តចំនួន៣គ្រឿង បង្កការកកស្ទះនៅតាមដងផ្លូវ។

ជាក់ស្តែង គ្រោះថ្នាក់​ចរាចរណ៍​ជា​បន្តបន្ទាប់​បានកើត​ឡើង​នៅ​គីឡូម៉ែត្រ​លេខ ១៤០+៧៥០ ក្នុង​ឃុំ Xuan Ai ស្រុក Van Yen ខេត្ត Yen Bai ក្នុង​ទិសដៅ​ពី​ឡាវ​-​ហាណូយ។

តាមព័ត៌មានបឋមបានឲ្យដឹងថា នៅវេលាម៉ោងខាងលើ មានរថយន្តមួយគ្រឿង ពាក់ស្លាកលេខ ភ្នំពេញ 20A-796.xx បើកបរដោយលោក NTN (កើតឆ្នាំ១៩៨៦ រស់នៅ Cao Bang) ភ្លាមៗនោះ បានរេចង្កូតទៅបុករបាំងថ្មចែកទ្រូងផ្លូវតែម្តង។ ក្រោយមកទៀត រថយន្តពាក់ស្លាកលេខ 24A- 150.xx បើកបរដោយលោក NVH (កើតឆ្នាំ 1970 មានទីលំនៅខេត្ត Lao Cai) ពីក្រោយមិនអាចចាប់ហ្វ្រាំងទាន់ពេល ក៏បុកជាមួយរថយន្ត 20A-796.xx ។ ជាមួយគ្នានោះ រថយន្តក្រុងទេសចរណ៍ ពាក់ស្លាកលេខ 29F-010.xx បើកបរដោយលោក NHT (កើតឆ្នាំ១៩៩០ ស្នាក់នៅទីក្រុងហាណូយ) ធ្វើដំណើរក្នុងទិសដៅស្របគ្នាពីក្រោយបានបន្តទៅបុករថយន្ត២គ្រឿង។

មកដល់ចំណុចកើតហេតុ រថយន្តចំនួន៣គ្រឿង រងការខូចខាត រថយន្តដឹកអ្នកដំណើរ បានជួបឧបទ្ទវហេតុ បត់ឆ្លងផ្លូវ បណ្តាលឲ្យចរាចរណ៍ទាំងសងខាង កកស្ទះក្នុងមូលដ្ឋាន។ គ្រោះថ្នាក់​នេះ​បណ្តាល​ឲ្យ​មនុស្ស​២​នាក់​រងរបួស​។

ពេលទទួលបានដំណឹងនេះ កម្លាំងល្បាតត្រួតពិនិត្យចរាចរណ៍ផ្លូវគោក លេខ១ (នាយកដ្ឋាននគរបាលចរាចរណ៍) បានបញ្ជូនមន្ត្រី និងទាហាន មកការពារកន្លែងកើតហេតុ និងសម្រួលចរាចរណ៍។ ជាមួយគ្នានេះ ការត្រួតពិនិត្យជាតិអាល់កុល និងសារធាតុញៀន បានធ្វើទៅលើអ្នកបើកបរចំនួន ០៣នាក់ ប៉ុន្តែមិនឃើញមានការរំលោភបំពានអ្វីឡើយ។