មុននេះ វីដេអូឃ្លីបមួយត្រូវបានចែកចាយតៗគ្នានៅលើបណ្ដាញសង្គមហ្វេសប៊ុក ដែលថតបានស្ត្រីម្នាក់បើកម៉ូតូក្នុងទិសដៅខុសបច្ចេកទេស នៅលើផ្លូវបំបែកជាបួន Hue ពីស្រុក Lien Chieu ទៅស្រុក Thanh Khe (ទីក្រុង Da Nang)។ ហេតុការណ៍​នេះ​ត្រូវ​បាន​គេ​សន្និដ្ឋាន​ថា​បាន​កើតឡើង​កាលពី​រសៀល​ថ្ងៃ​ទី​៣០ មិថុនា ។

តាមវីដេអូឃ្លីប បានឲ្យដឹងថា ស្ត្រីរងគ្រោះ ពាក់មួកសុវត្ថិភាព ពណ៌ក្រហម បើកម៉ូតូក្នុងទិសដៅ បញ្ច្រាស់ទិសគ្នា រវាងរថយន្តស៊េរីទំនើប ដែលធ្វើដំណើរមកពីទិសផ្ទុយគ្នា។ អ្នក​ធ្វើ​ដំណើរ​ខ្លះ​បាន​ផ្តល់​សញ្ញា​ឱ្យ​ស្ត្រី​នោះ​ត្រឡប់​មក​វិញ។ ចំណែក​រថយន្ត​មួយ​ចំនួន​បាន​បើក​គេច​ពី​ម៉ូតូ​ស្ត្រី​រង​គ្រោះ ។

ទោះជា​យ៉ាងណា លុះ​មកដល់​ពាក់កណ្តាល​ស្ពាន ស្ត្រី​រូប​នោះ​បាន​ជ្រុល​ទៅបុក​ម៉ូតូ​អ្នក​ផ្សេង​ដែល​ធ្វើ​ដំណើរ​ក្នុង​ទិស​ដៅ​ផ្ទុយ​គ្នា ។ បើតាម​ប្រជាពលរដ្ឋ​ក្នុង​ហេតុការណ៍​គ្រោះថ្នាក់​ចរាចរណ៍​នេះ​បាន​រងរបួស​មនុស្ស​២​នាក់ និង​ខូចខាត​ម៉ូតូ​។

ហេតុការណ៍​ទាំង​មូល​ត្រូវ​បាន​ថត​ទុក​និង​បង្ហោះ​លើ​បណ្តាញ​សង្គម។