ឯកអគ្គរដ្ឋទូតបែលហ្ស៊ិកស្វែងយល់ពីកាលានុវត្តភាពសហប្រតិបត្តិការអភិវឌ្ឍន៍តំបន់ពាណិជ្ជកម្មសេរី Da Nang

នៅក្នុងជំនួបនេះ អនុប្រធានអចិន្ត្រៃយ៍នៃគណៈកម្មាធិការប្រជាជនទីក្រុង លោក Ho Ky Minh បានជម្រាបជូនលោក Karl Van den Bossche អំពីស្ថានភាពអភិវឌ្ឍន៍ សេដ្ឋកិច្ច និងសង្គម និងទិសដៅអភិវឌ្ឍន៍ទីក្រុង Da Nang ក្នុងរយៈពេលថ្មីបន្ទាប់ពីការច្របាច់បញ្ចូលគ្នា។

អនុប្រធានអចិន្ត្រៃយ៍គណៈកម្មាធិការប្រជាជនទីក្រុង លោក Ho Ky Minh បានវាយតំលៃខ្ពស់ចំពោះទំនាក់ទំនងសហប្រតិបត្តិការរវាង ទីក្រុង Da Nang និងដៃគូប្រទេសបែលហ្ស៊ិក។ បច្ចុប្បន្ននេះ មានគម្រោង FDI របស់បែលហ្ស៊ិកចំនួន 2 បានចុះបញ្ជីសម្រាប់ការវិនិយោគនៅទីក្រុង Da Nang ជាមួយនឹងទុនវិនិយោគសរុបប្រមាណ 40,000 USD។

ថ្នាក់ដឹកនាំទីក្រុង Da Nang មានបំណងចង់បន្តជំរុញកិច្ចសហប្រតិបត្តិការយ៉ាងទូលំទូលាយជាមួយដៃគូបែលហ្ស៊ិកក្នុងវិស័យភស្តុភារ កំពង់ផែសមុទ្រ តំបន់ទីក្រុង បច្ចេកវិទ្យាខ្ពស់ នវានុវត្តន៍ ទេសចរណ៍ វប្បធម៌ និងជំរុញកិច្ចសហប្រតិបត្តិការលើតំបន់ពាណិជ្ជកម្មសេរី ... ជាពិសេសកិច្ចសហប្រតិបត្តិការជាមួយតំបន់ Flanders។

អនុប្រធានអចិន្ត្រៃយ៍គណៈកម្មាធិការប្រជាជនទីក្រុង លោក Ho Ky Minh ក៏បានមានប្រសាសន៍ថា មន្ទីរ អង្គភាពពាក់ព័ន្ធនឹងបន្តធ្វើការ និងពិភាក្សាជាមួយគណៈប្រតិភូស្ថានទូតបែលហ្ស៊ិកអំពីភាពខ្លាំង និងទិសដៅអភិវឌ្ឍន៍របស់ទីក្រុង Da Nang។

លោកឯកអគ្គរដ្ឋទូត Karl Van den Bossche បានសម្តែងការចាប់អារម្មណ៍ចំពោះសមិទ្ធិផលអភិវឌ្ឍន៍ដែលទីក្រុង Da Nang សម្រេចបានក្នុងរយៈពេលថ្មីៗនេះ។
លោកឯកអគ្គរដ្ឋទូតក៏បានជូនដំណឹងថា ព្រះរាជាណាចក្របែលហ្សិកនិយាយរួម និងតំបន់ Flanders ជាពិសេសគឺក្នុងចំណោមដៃគូពាណិជ្ជកម្ម និងវិនិយោគសំខាន់ៗរបស់វៀតណាមនៅសហភាពអឺរ៉ុប។

ក្នុងដំណើរបំពេញទស្សនកិច្ចការងារនៅទីក្រុង Da Nang គណៈប្រតិភូស្ថានទូតនៃព្រះរាជាណាចក្របែលហ្សិកប្រចាំនៅវៀតណាមនឹងសិក្សានិងពិភាក្សាអំពីលទ្ធភាពនៃកិច្ចសហប្រតិបត្តិការក្នុងការអភិវឌ្ឍន៍តំបន់ពាណិជ្ជកម្មសេរី Da Nang និងវិស័យផ្សេងៗទៀតដែលភាគីទាំងពីរមានកម្លាំង និងសក្តានុពល។