នៅក្នុងជំនួបនេះ លោករដ្ឋមន្ត្រី Nguyen Manh Hung និងឯកអគ្គរដ្ឋទូត Ito Naoki បានពិភាក្សា និងផ្លាស់ប្តូរលើខ្លឹមសារសហប្រតិបត្តិការក្នុងវិស័យព័ត៌មាន និងទំនាក់ទំនង រួមមានៈ 5G ការផ្លាស់ប្តូរឌីជីថល ការបណ្តុះបណ្តាលធនធានមនុស្សក្នុងវិស័យសន្តិសុខអ៊ីនធឺណិត។ ភាគីទាំងពីរបានសម្តែងជំនឿថា ខ្លឹមសារទាំងនេះនឹងរួមចំណែកពង្រឹងកិច្ចសហប្រតិបត្តិការរវាងប្រទេសទាំងពីរលើវិស័យព័ត៌មាន និងទំនាក់ទំនង បើកឱកាសសហប្រតិបត្តិការថ្មីរវាងប្រទេសទាំងពីរ។

រដ្ឋមន្ត្រី Nguyen Manh Hung បានឲ្យដឹងថា នាពេលឆាប់ៗខាងមុខ វៀតណាមនឹងប្រកាសអំពីយុទ្ធសាស្ត្រជាតិស្តីពីឧស្សាហកម្ម semiconductor។ វៀតណាមមានបំណងសហការជាមួយជប៉ុនក្នុងវិស័យនេះ។ វៀតណាមអាចផ្តល់ធនធានមនុស្សក្នុងឧស្សាហកម្ម semiconductor ដល់ប្រទេសជប៉ុន ហើយជប៉ុនអាចបើករោងចក្រ semiconductor បន្ថែមទៀតនៅវៀតណាម ដើម្បីពង្រីកការផ្គត់ផ្គង់ក្នុងខ្សែសង្វាក់ផ្គត់ផ្គង់របស់ជប៉ុន។ ទន្ទឹមនឹងនោះ ភាគីទាំងពីរក៏អាចពង្រឹងកិច្ចសហប្រតិបត្តិការរវាងសាកលវិទ្យាល័យនៃប្រទេសទាំងពីរ ដើម្បីបណ្តុះបណ្តាល និងផ្លាស់ប្តូរនិស្សិតក្នុងវិស័យនេះ។

ជាចុងក្រោយ លោករដ្ឋមន្ត្រីសង្ឃឹមថា កិច្ចសហប្រតិបត្តិការរវាងវៀតណាម និងជប៉ុននឹងរីកចម្រើនខ្លាំងក្នុងអាណត្តិរបស់ឯកអគ្គរដ្ឋទូត។/.