ជំរុញកិច្ចសហប្រតិបត្តិការផ្នែកវិទ្យាសាស្ត្រ និងបច្ចេកវិទ្យារវាងវៀតណាម និងកូរ៉េឡើងកំពស់ថ្មីមួយ

ដំណើរទស្សនកិច្ចផ្លូវរដ្ឋនៅសាធារណរដ្ឋកូរ៉េនេះ គឺជាដំណើរទស្សនកិច្ចលើកដំបូងរបស់អគ្គលេខាធិកា To Lam ជា អគ្គលេខាបក្សកុម្មុយនិស្តវៀតណាម ហើយក៏ជាដំណើរទស្សនកិច្ចផ្លូវរដ្ឋលើកដំបូងរបស់មេដឹកនាំប្រទេសមួយទៅកាន់សាធារណរដ្ឋកូរ៉េ បន្ទាប់ពីប្រទេសនេះមានរដ្ឋាភិបាលថ្មី។ ដំណើរទស្សនកិច្ចនេះមានសារសំខាន់ បង្កើតសន្ទុះថ្មី និងបើកឱកាសជាច្រើនសម្រាប់កិច្ចសហប្រតិបត្តិការរវាងប្រទេសទាំងពីរក្នុងយុគសម័យថ្មីនៃការអភិវឌ្ឍន៍នៃប្រទេសទាំងពីរ។

បន្ទាប់ពីរយៈពេលជាង 30 ឆ្នាំចាប់តាំងពីប្រទេសទាំងពីរបានបង្កើតទំនាក់ទំនងការទូតមក ទំនាក់ទំនងរវាងវៀតណាម និងកូរ៉េបានក្លាយជាគំរូនៃទំនាក់ទំនងពិសេស មានប្រសិទ្ធភាព និងសំខាន់។ ការចុះហត្ថលេខាលើអនុស្សារណៈយោគយល់គ្នារវាង ក្រសួងវិទ្យាសាស្ត្រ និងបច្ចេកវិទ្យា វៀតណាម និងក្រសួងវិទ្យាសាស្ត្រ បច្ចេកវិទ្យាគមនាគមន៍ និងព័ត៌មានកូរ៉េ ស្តីពីកិច្ចសហប្រតិបត្តិការវិទ្យាសាស្ត្រ និងបច្ចេកវិទ្យានាពេលនេះ មិនត្រឹមតែធ្វើឱ្យទំនាក់ទំនងសហប្រតិបត្តិការយុទ្ធសាស្ត្រកាន់តែស៊ីជម្រៅប៉ុណ្ណោះទេ ថែមទាំងរួមចំណែកដោយផ្ទាល់ក្នុងការលើកកំពស់សមត្ថភាពច្នៃប្រឌិត អភិវឌ្ឍវិទ្យាសាស្ត្រ និងបច្ចេកវិទ្យាជាតិ នាំមកនូវផលប្រយោជន៍ជាក់ស្តែងដល់ប្រជាជន និងអាជីវកម្មនៃប្រទេសទាំងពីរ។