បារាំង​បង្កើន​ការ​ប្រកាស​អាសន្ន​ដល់​កម្រិត​ខ្ពស់បំផុត

នាយករដ្ឋមន្ត្រី បារាំង លោក Gabriel Attal បានប្រកាសថា រដ្ឋាភិបាលនឹងដំឡើងកម្រិតប្រកាសអាសន្ន ដល់កម្រិតខ្ពស់បំផុត។

កាលពីថ្ងៃទី 25 ខែមីនា នាយករដ្ឋមន្ត្រីបារាំងលោក Gabriel Attal បានប្រកាស ថា រដ្ឋាភិបាល នឹងបង្កើនកម្រិតប្រកាសអាសន្នដល់កម្រិតខ្ពស់បំផុតបន្ទាប់ពីការវាយប្រហារភេរវកម្មនៅរោងមហោស្រព Crocus City Hall ជាយក្រុងនៃទីក្រុងមូស្គូ ប្រទេសរុស្ស៊ីកាលពីថ្ងៃទី 22 ខែមីនា។ការប្រកាសនេះត្រូវបានធ្វើឡើងបន្ទាប់ពីកិច្ចប្រជុំរវាងមន្ត្រីសន្តិសុខ និងការពារជាតិបារាំងជាន់ខ្ពស់ និងប្រធានាធិបតី Emmanuel Macron ។

ចែករំលែកនៅលើបណ្តាញសង្គម X នាយករដ្ឋមន្ត្រី Attal បាននិយាយថាការសម្រេចចិត្តនេះត្រូវបានធ្វើឡើងបន្ទាប់ពីអង្គការរដ្ឋអ៊ីស្លាមដែលប្រកាសដោយខ្លួនឯង (IS) បានទទួលស្គាល់ថាបានធ្វើការវាយប្រហារនៅក្នុងប្រទេសរុស្ស៊ី និងការគំរាមកំហែងផ្នែកសន្តិសុខដែលប្រទេសបារាំងកំពុងប្រឈមមុខ។

ប្រព័ន្ធប្រកាសអាសន្នរបស់ប្រទេសបារាំង បែងចែកជាបីកម្រិត ដោយកម្រិតខ្ពស់បំផុតត្រូវបានធ្វើឱ្យសកម្មបន្ទាប់ពីការវាយប្រហារនៅក្នុងប្រទេសបារាំង ឬនៅក្រៅប្រទេស ឬការគម្រាមកំហែងនៃការវាយប្រហារ។ កម្រិតប្រកាសអាសន្នខ្ពស់បំផុតអនុញ្ញាតឱ្យអាជ្ញាធរបារាំងចាត់វិធានការសន្តិសុខជាវិសាមញ្ញ ដូចជាការបង្កើនការល្បាតដោយកងកម្លាំងប្រដាប់អាវុធនៅតាមទីសាធារណៈដូចជា ស្ថានីយ៍រថភ្លើង អាកាសយានដ្ឋាន និងកន្លែងគោរពបូជា។

ឡាំ ឌីន