ក្នុងឱកាសដែលសមមិត្ត Luong Cuong ត្រូវបានរដ្ឋសភានីតិកាលទី ១៥ បោះឆ្នោតជ្រើសរើសឲ្យកាន់តំណែងជាប្រធានាធិបតីនៃសាធារណៈរដ្ឋសង្គមនិយមវៀតណាម ថ្នាក់ដឹកនាំនៃប្រទេសកម្ពុជា សិង្ហបុរី អ៊ីតាលី កាហ្សាក់ស្ថាន ហ្វាំងឡង់ និងគណបក្ស United Russia បានផ្ញើសារអបអរសាទរ។

សម្តេចអគ្គមហាសេនាបតីតេជោ ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានសម្តែងនូវជំនឿថា ក្រោមការដឹកនាំ និងចក្ខុវិស័យរបស់ប្រធានរដ្ឋ Luong Cuong វៀតណាមនឹងបន្តសម្រេចបាននូវសមិទ្ធិផលអភិវឌ្ឍន៍សេដ្ឋកិច្ចសង្គម ដើម្បីផលប្រយោជន៍ប្រជាជនវៀតណាម និងរួមចំណែកជាវិជ្ជមានក្នុងវេទិកាអន្តរជាតិ។ យើងជឿជាក់ថា ទំនាក់ទំនងរយៈពេលវែងដែលបានកសាងឡើងតាមបាវចនានៃភាពជាអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងនិរន្តរភាពយូរអង្វែងនឹងអភិវឌ្ឍកាន់តែខ្លាំងឡើង ដើម្បីផលប្រយោជន៍រួមរបស់ប្រជាជននៃប្រទេសទាំងពីរ។

ប្រធានគណបក្ស United Russia លោក Dmitri Medvedev ជឿជាក់ថា បទពិសោធន៍ដ៏សម្បូរបែបរបស់លោកប្រធាន Luong Cuong ក្នុងការងាររដ្ឋនឹងជំរុញការដោះស្រាយប្រកបដោយប្រសិទ្ធភាពនូវភារកិច្ចអភិវឌ្ឍន៍សេដ្ឋកិច្ចសង្គមដ៏អស្ចារ្យរបស់វៀតណាម ក៏ដូចជាពង្រឹងជំហររបស់វៀតណាមលើឆាកអន្តរជាតិ។ ទន្ទឹមនឹងនោះ បានបង្ហាញពីការប្តេជ្ញាចិត្តរបស់ខ្លួនក្នុងការលើកកម្ពស់គ្រប់ទិដ្ឋភាពនៃទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ រួមទាំងកិច្ចសន្ទនារវាងបក្សរួបរួមរុស្ស៊ី និងបក្សកុម្មុយនិស្តវៀតណាមផងដែរ។

ប្រធានាធិបតីនៃសាធារណរដ្ឋសិង្ហបុរី លោក Tharman Shanmugaratnam បានវាយតម្លៃថា ភាពជាដៃគូយុទ្ធសាស្ត្ររវាងប្រទេសទាំងពីរកំពុងរីកចម្រើនខ្លាំងលើគ្រប់វិស័យ ជាពិសេស ពាណិជ្ជកម្ម-វិនិយោគ សន្តិសុខ-ការពារជាតិ ការអប់រំ និងការអភិវឌ្ឍធនធានមនុស្ស។

ប្រធានាធិបតីសិង្ហបុរីសង្ឃឹមថានឹងពង្រីកកិច្ចសហប្រតិបត្តិការលើវិស័យថ្មីៗដូចជាថាមពលស្អាត ឥណទានកាបូន សេដ្ឋកិច្ចឌីជីថល និងកិច្ចសហប្រតិបត្តិការនៅវេទិកាពហុភាគី រួមទាំងអាស៊ានផងដែរ ដើម្បីនាំទំនាក់ទំនងវៀតណាម-សិង្ហបុរីឡើងកំពស់ថ្មី។

ក្នុងឱកាសនេះ ប្រធានាធិបតីសិង្ហបុរីបានអញ្ជើញលោកប្រធានាធិបតី Luong Cuong មកបំពេញទស្សនកិច្ចផ្លូវរដ្ឋនៅសិង្ហបុរីតាមពេលវេលាសមស្រប។

ប្រធានរដ្ឋនៃសាធារណរដ្ឋអ៊ីតាលី Sergio Mattarella បានវាយតំលៃខ្ពស់ចំពោះទំនាក់ទំនងជិតស្និទ្ធ និងមិត្តភាពរវាងវៀតណាម និងអ៊ីតាលី; បានបង្ហាញទំនុកចិត្តលើការអភិវឌ្ឍន៍ទំនាក់ទំនងទ្វេភាគី ក៏ដូចជាទំនាក់ទំនងអ៊ីតាលី-អាស៊ាន។

ប្រធានាធិបតីកាហ្សាក់ស្ថាន Kassym-Jomart Tokayev បានផ្ញើលិខិតអបអរសាទរទៅកាន់ប្រធានាធិបតី Luong Cuong ។

ប្រធានាធិបតីនៃសាធារណរដ្ឋហ្វាំងឡង់ Alexander Stubb បានផ្ញើលិខិតអបអរសាទរទៅកាន់ប្រធានាធិបតី Luong Cuong ។/.