នៅក្នុងសេចក្តីថ្លែងការណ៍មួយទៅកាន់ប្រព័ន្ធផ្សព្វផ្សាយកាលពីថ្ងៃទី 9 ខែធ្នូ ប្រមុខឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) Filippo Grandi បាននិយាយថា "នេះគឺជាឱកាសដ៏គួរឱ្យកត់សម្គាល់សម្រាប់ប្រទេសស៊ីរីដើម្បីឆ្ពោះទៅរកសន្តិភាព និងសម្រាប់ប្រជាជនរបស់ខ្លួនដើម្បីចាប់ផ្តើមវិលត្រឡប់មកមាតុប្រទេសវិញ" ។

លោកបានបន្ថែមថា “ប៉ុន្តែជាមួយនឹងស្ថានភាពបច្ចុប្បន្ននៅតែមិនច្បាស់លាស់ ជនភៀសខ្លួនស៊ីរីរាប់លាននាក់កំពុងវាយតម្លៃយ៉ាងប្រុងប្រយ័ត្នថាតើវាមានសុវត្ថិភាពក្នុងការវិលត្រឡប់មកផ្ទះវិញឬយ៉ាងណា។

លោក​បាន​ជំរុញ​ជនភៀសខ្លួន​ស៊ីរី​ដែល​ត្រូវ​ភៀសខ្លួន​ដោយ​សង្រ្គាម​ស៊ីវិល​រយៈពេល 13 ឆ្នាំ​ឲ្យ​មាន​ការ​អត់ធ្មត់ និង​ការ​ប្រុង​ប្រយ័ត្ន ខណៈ​ពួកគេ​ពិចារណា​អំពី​ជម្រើស​របស់​ពួកគេ។

គិតត្រឹមថ្ងៃទី 9 ខែធ្នូ បណ្តាប្រទេសនៅអឺរ៉ុបបានឈប់ទទួលពាក្យសុំសិទ្ធិជ្រកកោនពីជនជាតិស៊ីរីជាបណ្តោះអាសន្ន រហូតដល់មានការជូនដំណឹងបន្ថែម។

លោក Grandi បាននិយាយថាលទ្ធភាពនៃការធ្វើមាតុភូមិនិវត្តន៍អាចអាស្រ័យលើថាតើមេដឹកនាំថ្មីរបស់ប្រទេសស៊ីរីផ្តល់អាទិភាពដល់ច្បាប់ និងសណ្តាប់ធ្នាប់។

លោកបានមានប្រសាសន៍ថា “ការផ្លាស់ប្តូរដែលគោរពសិទ្ធិ ជីវិត និងសេចក្តីប្រាថ្នារបស់ប្រជាជនស៊ីរីទាំងអស់ ដោយមិនគិតពីជាតិសាសន៍ សាសនា ឬជំនឿនយោបាយ គឺជាការចាំបាច់សម្រាប់ប្រជាជនដើម្បីមានអារម្មណ៍សុវត្ថិភាព” ដោយបន្ថែមថា UNHCR បានត្រៀមខ្លួនរួចជាស្រេចដើម្បីជួយប្រទេសនានារៀបចំការធ្វើមាតុភូមិនិវត្តន៍ដោយស្ម័គ្រចិត្ត។

ង៉ុក អាញ់ (យោងតាមរ៉យទ័រ)