UN អំពាវនាវរកជំនួយសង្គ្រោះចំនួន ៦ ពាន់លានដុល្លារសម្រាប់ស៊ូដង់

នៅក្នុងសេចក្តីថ្លែងការណ៍ OCHA បានសង្កត់ធ្ងន់ថា ប្រទេសស៊ូដង់កំពុងប្រឈមមុខនឹងភាពអាសន្នផ្នែកមនុស្សធម៌ដ៏គួរឱ្យព្រួយបារម្ភ ជាមួយនឹងគ្រោះទុរ្ភិក្ស អំពើហិង្សាផ្លូវភេទរីករាលដាល និងកុមារត្រូវបានសម្លាប់រង្គាល។

សេចក្តី​ថ្លែងការណ៍​ក៏​បាន​បន្ថែម​ថា បើ​គ្មាន​ការ​ផ្តល់​មូលនិធិ​ភ្លាមៗ​ទេ កុមារ​ពីរ​ភាគ​បី​នឹង​មិន​មាន​លទ្ធភាព​ទទួល​បាន ​ការ​អប់រំ ​បឋម​ទេ ប្រជាជន​ចំនួន ៤,៨ លាន​នាក់​ក្នុង​សហគមន៍​មូលដ្ឋាន​នឹង​ប្រឈម​មុខ​នឹង​អសន្តិសុខ​ស្បៀង​យ៉ាង​ធ្ងន់ធ្ងរ ហើយ​មនុស្ស ១,៨ លាន​នាក់​នឹង​មិន​ទទួល​បាន​ជំនួយ​ស្បៀង​អាហារ។

ចាប់តាំងពីឆ្នាំ 2023 ស៊ូដង់បានជាប់គាំងនៅក្នុងសង្រ្គាមស៊ីវិល បន្ទាប់ពីការតស៊ូអំណាចរវាងមេទ័ពលោកឧត្តមសេនីយ៍ Abdel Fattah al-Burhan និងមេដឹកនាំកងកម្លាំងគាំទ្ររហ័ស (RSF) ឧត្តមសេនីយ៍ Mohamed Hamdan Dagalo ។

ជម្លោះនេះបានបង្ខំឱ្យប្រជាជនស៊ូដង់ជាង 11 លាននាក់ភៀសខ្លួនចេញពីផ្ទះរបស់ពួកគេ ដែលជាអ្វីដែលអង្គការសហប្រជាជាតិហៅថាវិបត្តិជនភៀសខ្លួនដ៏ធំបំផុតមួយ របស់ពិភពលោក ។