នារសៀលថ្ងៃទី ២២ សីហា ថ្នាក់ដឹកនាំគណៈកម្មាធិការរណសិរ្សមាតុភូមិវៀតណាមខេត្ត Bac Lieu បានទៅសួរសុខទុក្ខ លើកទឹកចិត្ត និងឧបត្ថម្ភដល់ប្រជាពលរដ្ឋចំនួន ៧ គ្រួសារ ដែលផ្ទះរលំ ឬដំបូលត្រូវរលំនៅឃុំ Phong Thanh Tay A ស្រុក Phuoc Long។

តាមនោះ គណៈកម្មាធិការរណសិរ្សមាតុភូមិវៀតណាមខេត្ត Bac Lieu បានត្រៀមថវិកាចំនួន ៧៤ លានដុងពីមូលនិធិគាំពារ និងគ្រប់គ្រងគ្រោះមហន្តរាយធម្មជាតិ ដើម្បីផ្គត់ផ្គង់គ្រួសារដែលរងផលប៉ះពាល់ដោយគ្រោះមហន្តរាយដែលបានកើតឡើងកាលពីថ្ងៃទី ១៩ សីហា ក្នុងនោះ គ្រួសារមួយផ្ទះដែលដួលរលំទាំងស្រុង ទទួលបានជំនួយចំនួន ៥០ លានដុង។

នៅកន្លែងដែលលោកបានទៅទស្សនា លោក Tran Van Ut ប្រធានគណៈកម្មាធិការរណសិរ្សមាតុភូមិវៀតណាមខេត្ត Bac Lieu បានអញ្ជើញចុះសួរសុខទុក្ខ និងលើកទឹកចិត្តគ្រួសារដែលរងគ្រោះដោយគ្រោះធម្មជាតិ ឲ្យខិតខំពុះពារការលំបាក និងធ្វើឲ្យជីវភាពរស់នៅមានស្ថេរភាព។ ជាមួយគ្នានេះ អាជ្ញាធរមូលដ្ឋាន ស្នើរឲ្យមានការចល័តកម្លាំងជាបន្ទាន់ ដើម្បីជួយដល់គ្រួសាររងគ្រោះ ដើម្បីជំនះនូវផលវិបាកដែលបង្កឡើងដោយគ្រោះធម្មជាតិ ជួយសម្រួលដល់ជីវភាពរស់នៅរបស់ពួកគាត់ឲ្យបានឆាប់។

តាន់ ថៃ