ក្នុងជំនួបសន្ទនាជាមួយថ្នាក់ដឹកនាំព្រឹទ្ធសភាបារាំង រដ្ឋមន្ត្រី Bui Thanh Son បានស្នើថា ប្រទេសទាំងពីរបន្តជំរុញថែមទៀតនូវការផ្លាស់ប្តូរមិត្តភាព និងកិច្ចសហប្រតិបត្តិការដែលមានផលប្រយោជន៍ទៅវិញទៅមកលើគ្រប់វិស័យ។ រីឯខ្លួនវិញ ប្រធានព្រឹទ្ធសភាបារាំងជឿជាក់ថា ដំណើរទស្សនកិច្ចរបស់រដ្ឋមន្ត្រី Bui Thanh Son នៅបារាំងលើកនេះ នឹងរួមចំណែកធ្វើឱ្យទំនាក់ទំនងដៃគូយុទ្ធសាស្ត្រវៀតណាម-បារាំងកាន់តែស៊ីជម្រៅក្នុងលក្ខណៈជាក់ស្តែង។

រដ្ឋមន្ត្រីក្រសួងការបរទេស Bui Thanh Son និងប្រធានព្រឹទ្ធសភាបារាំង Gérard Larcher។ រូបថត៖ ផ្តល់ដោយក្រសួងការបរទេស

នៅក្នុងជំនួបនេះ ភាគីទាំងពីរបានឯកភាពពង្រឹងកិច្ចសហប្រតិបត្តិការអន្តរសភារវាងប្រទេសទាំងពីរ ជាពិសេសតាមរយៈការផ្លាស់ប្តូរគណៈប្រតិភូគ្រប់ជាន់ថ្នាក់ ការសម្របសម្រួលយ៉ាងជិតស្និទ្ធ និងការគាំទ្រគ្នាទៅវិញទៅមកនៅវេទិកាអន្តរសភាថ្នាក់តំបន់ និងអន្តរជាតិ ជំរុញសកម្មភាពរបស់ក្រុមសមាជិកសភាមិត្តភាពនៃប្រទេសទាំងពីរ ... ; ឯកភាពជំរុញកិច្ចសហប្រតិបត្តិការសេដ្ឋកិច្ចវៀតណាម - បារាំង ដែលជាសសរស្តម្ភសំខាន់ក្នុងទំនាក់ទំនងដៃគូយុទ្ធសាស្ត្រ និងមានសក្តានុពលជាច្រើនសម្រាប់កិច្ចសហប្រតិបត្តិការ; បន្តអនុវត្តយ៉ាងពេញលេញ និងប្រកបដោយប្រសិទ្ធភាពនូវកិច្ចព្រមព្រៀងពាណិជ្ជកម្មសេរីវៀតណាម-សហភាពអឺរ៉ុប (EVFTA)។ ថ្នាក់ដឹកនាំព្រឹទ្ធសភាបារាំងបានទទួលស្គាល់ជាវិជ្ជមានចំពោះសំណើរបស់វៀតណាមក្នុងការអនុម័តក្នុងពេលឆាប់ៗនេះនៃកិច្ចព្រមព្រៀងការពារការវិនិយោគវៀតណាម-សហភាពអឺរ៉ុប (EVIPA) ដើម្បីបង្កើនសក្តានុពលសម្រាប់កិច្ចសហប្រតិបត្តិការរវាងប្រទេសទាំងពីរក្នុងវិស័យវិនិយោគ។ ជំរុញឱ្យគណៈកម្មការអឺរ៉ុប (EC) លុបចោលការព្រមានកាតលឿងរបស់ IUU លើផលិតផលគ្រឿងសមុទ្រវៀតណាមឱ្យបានឆាប់។ ភាគីទាំងពីរបានឯកភាពសម្របសម្រួល និងរៀបចំសកម្មភាពអបអរសាទរខួបលើកទី៥០ នៃការបង្កើតទំនាក់ទំនងការទូតវៀតណាម-បារាំងលើវិស័យវប្បធម៌ អប់រំ សុខាភិបាលជាដើម។

ភាគីទាំងពីរបានឯកភាពបន្តសម្របសម្រួលយ៉ាងជិតស្និទ្ធនៅវេទិកាពហុភាគី ជាពិសេសនៅអង្គការសហប្រជាជាតិ ASEM សហគមន៍ Francophone និងជំរុញកិច្ចសហប្រតិបត្តិការអាស៊ាន-សហភាពអឺរ៉ុប។ បានសង្កត់ធ្ងន់លើសារៈសំខាន់នៃការរឹតបន្តឹងបន្ថែមទៀតនូវក្របខ័ណ្ឌកិច្ចសហប្រតិបត្តិការរវាងវៀតណាម និងបារាំងក្នុងការឆ្លើយតបនឹងបញ្ហាក្នុងតំបន់ និងពិភពលោក ជាពិសេសធានាសេរីភាព សន្តិសុខ និងសុវត្ថិភាពនាវាចរណ៍ និងអាកាសចរណ៍ រក្សាសន្តិភាព និងស្ថិរភាពនៅសមុទ្រខាងកើត និងការដោះស្រាយជម្លោះដោយសន្តិវិធី ឈរលើមូលដ្ឋានច្បាប់អន្តរជាតិ រួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS)។

សន្តិភាព