ប្រធានរដ្ឋ Vo Van Thuong ទទួលជួបប្រធានគណបក្ស United Russia

ទទួលស្វាគមន៍ប្រធានគណបក្ស United Russia អនុប្រធានក្រុមប្រឹក្សាសន្តិសុខរុស្ស៊ី Dmitry Medvedev និងគណៈប្រតិភូជាន់ខ្ពស់នៃសហព័ន្ធរុស្ស៊ីមកបំពេញទស្សនកិច្ចនៅវៀតណាម ប្រធានរដ្ឋ Vo Van Thuong បានវាយតម្លៃថា សារៈសំខាន់នៃដំណើរទស្សនកិច្ចលើកនេះ គឺជាឱកាសសម្រាប់ភាគីទាំងពីរពិភាក្សាអំពីទិសដៅក្នុងកិច្ចសហប្រតិបត្តិការវៀតណាម-រុស្ស៊ីជារួម រួមទាំងកិច្ចសហប្រតិបត្តិការរវាងភាគីទាំងពីរ និងរដ្ឋទាំងពីរផងដែរ។

សម្តែងការរីករាយដែលបានមកបំពេញទស្សនកិច្ចនៅវៀតណាមម្តងទៀត ប្រធានគណបក្សរួបរួមរុស្ស៊ី Dmitry Medvedev បានអះអាងថា សហព័ន្ធរុស្ស៊ីវាយតម្លៃខ្ពស់ចំពោះទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយជាមួយវៀតណាម; ថ្នាក់ដឹកនាំជាន់ខ្ពស់នៃសហព័ន្ធរុស្ស៊ី រួមទាំងគណបក្សរួបរួមរុស្ស៊ី ចាប់អារម្មណ៍ក្នុងការអភិវឌ្ឍន៍ទំនាក់ទំនងជាមួយវៀតណាមជាអាទិភាពមួយក្នុងចំណោមអាទិភាពកំពូល ហើយវៀតណាមជាដៃគូសំខាន់របស់រុស្ស៊ីក្នុងតំបន់។

ប្រធានរដ្ឋ Vo Van Thuong បានអះអាងថា វៀតណាមប្រកាន់ខ្ជាប់នូវគោលនយោបាយការបរទេសឯករាជ្យ ភាពខ្លួនទីពឹងខ្លួន ពហុភាគីភាវូបនីយកម្ម និងពិពិធកម្ម។ ចងចាំជានិច្ចនូវការគាំទ្រ និងជំនួយដែលប្រជាជននៃអតីតសហភាពសូវៀតបានផ្តល់ឱ្យវៀតណាមក្នុងបុព្វហេតុកសាង និងការពារជាតិ។ យកចិត្តទុកដាក់ចំពោះភាពជាដៃគូយុទ្ធសាស្ត្រលើគ្រប់ជ្រុងជ្រោយវៀតណាម-រុស្ស៊ី ហើយមានបំណងចង់បន្តអភិវឌ្ឍទំនាក់ទំនងមិត្តភាពប្រពៃណី និងភាពជាដៃគូយុទ្ធសាស្ត្រលើគ្រប់វិស័យជាមួយរុស្ស៊ី ដើម្បីផលប្រយោជន៍អភិវឌ្ឍន៍នៃប្រទេសទាំងពីរ និងដើម្បីភាពរុងរឿងរបស់ប្រជាជនទាំងពីរ។

ក្នុងបរិយាកាសស្និទ្ធស្នាល ប្រធានរដ្ឋលោក Vo Van Thuong និងប្រធានគណបក្ស United Russia លោក Dmitry Medvedev បានស្វាគមន៍ចំពោះលទ្ធផលសំខាន់ៗនៃកិច្ចសហប្រតិបត្តិការនាពេលថ្មីៗនេះ ជាពិសេសលើ វិស័យសេដ្ឋកិច្ច ពាណិជ្ជកម្ម វិទ្យាសាស្ត្រ អប់រំ និងបណ្តុះបណ្តាល និងកិច្ចសហប្រតិបត្តិការក្នុងតំបន់។

ក្នុងឱកាសនេះ ប្រធានរដ្ឋលោក Vo Van Thuong បានថ្លែងអំណរគុណរុស្ស៊ីដែលបានបន្តផ្តល់អាហារូបករណ៍ប្រចាំឆ្នាំសម្រាប់និស្សិតវៀតណាមទៅសិក្សានៅស្ថាប័ន អប់រំ រុស្ស៊ី; លោកជឿជាក់ថា កិច្ចប្រជុំលើកទី៤ នៃគណៈកម្មាធិការសម្របសម្រួលអន្តររដ្ឋាភិបាលវៀតណាម-រុស្ស៊ី ស្តីពីការអប់រំ វិទ្យាសាស្ត្រ និងបច្ចេកវិទ្យា ដែលគ្រោងនឹងធ្វើឡើងនៅចុងឆ្នាំនេះ នឹងបន្តបើកឱកាសសហប្រតិបត្តិការថ្មីជាច្រើនក្នុងវិស័យនេះ។

មេដឹកនាំទាំងពីរបានឯកភាពបន្តជំរុញការផ្លាស់ប្តូររវាងប្រជាជន និងប្រជាជន រួមទាំងក្នុងចំណោមយុវជនជំនាន់ក្រោយផងដែរ។ និងលើកតម្កើងតួនាទីនៃសមាគមមិត្តភាពរវាងប្រទេសទាំងពីរ សំដៅបង្កើនការយោគយល់គ្នា ក៏ដូចជារក្សានូវតម្លៃដ៏ល្អនៃចំណងមិត្តភាពប្រពៃណីដែលមានប្រវត្តិជិត ៧៥ឆ្នាំកន្លងមក។

ក្នុងពិធីទទួលនោះ ប្រធានរដ្ឋលោក Vo Van Thuong បានថ្លែងអំណរគុណ និងស្នើឱ្យថ្នាក់ដឹកនាំរុស្ស៊ី រដ្ឋាភិបាល និងបក្ស United Russia បន្តយកចិត្តទុកដាក់ និងបង្កើតលក្ខខណ្ឌសម្រាប់សហគមន៍វៀតណាមនៅរុស្ស៊ីក្នុងការរស់នៅ ធ្វើការ និងសិក្សារយៈពេលវែង និងស្ថិរភាព។

ក្នុងឱកាសនេះ ប្រធានរដ្ឋលោក Vo Van Thuong ក៏បានផ្ញើសារជូនពរ និងគោរពជូនចំពោះប្រធានសហព័ន្ធរុស្ស៊ី លោក Vladimir Putin។

ភួងថាវ