អគ្គីភ័យដ៏ធំនៅឃ្លាំងក្រណាត់នៅទីក្រុង Da Nang

នៅព្រឹកថ្ងៃទី៨ ខែកក្កដា អគ្គិភ័យបានឆាបឆេះឃ្លាំងផលិតក្រណាត់មួយនៅផ្លូវ Nguyen Dinh Tuu (An Khe Ward ទីក្រុង Da Nang)។ អគ្គិភ័យនេះមិនបណ្តាលឲ្យមនុស្សរងគ្រោះទេ ប៉ុន្តែបានឆេះបំផ្លាញទ្រព្យសម្បត្តិក្នុងឃ្លាំងអស់ជាច្រើនខ្នង។

Báo Sài Gòn Giải phóng•08/07/2025

អគ្គីភ័យបានឆាបឆេះឃ្លាំងលក់ក្រណាត់ទាំងស្រុង។

តាមព័ត៌មានបឋមបានឲ្យដឹងថា នៅវេលាម៉ោង៨និង៤០នាទីព្រឹកថ្ងៃដដែល ប្រជាពលរដ្ឋបានប្រទះឃើញផ្សែងខ្មៅហុយចេញពីឃ្លាំងបិទជិត ។ មួយសន្ទុះក្រោយមក ភ្លើងបានឆាបឆេះយ៉ាងសន្ធោសន្ធៅ លេបត្របាក់ឃ្លាំងទាំងស្រុង ដោយមានផ្សែងខ្មៅហុយហុយ កំពស់រាប់រយម៉ែត្រ បង្កភាពចលាចលក្នុងបរិវេណជុំវិញ។

ក្រោយទទួលបានដំណឹងនេះ កម្លាំងនគរបាលបង្ការ និងពន្លត់អគ្គិភ័យ (PCCC-CNCH) នៃនគរបាលក្រុង Da Nang បានបញ្ជូនរថយន្តជំនាញចំនួន ៦គ្រឿង និងមន្ត្រី និងទាហានរាប់សិបនាក់ ទៅកន្លែងកើតហេតុ។ កម្លាំងពន្លត់អគ្គិភ័យបានទម្លុះទ្វារឃ្លាំងដើម្បីចូលទៅខាងក្នុង។ ដោយសារឃ្លាំងផ្ទុកក្រណាត់ច្រើន ដែលជាសម្ភារៈងាយឆេះ ភ្លើងបានរាលដាលយ៉ាងលឿន អមដោយផ្សែងហុយយ៉ាងច្រើន បង្កការលំបាកក្នុងការពន្លត់ភ្លើង។

នគរបាលពន្លត់អគ្គិភ័យបានចូលរួមពន្លត់ភ្លើងនៅកន្លែងកើតហេតុ

អាជ្ញាធរបានបែងចែកជាក្រុមជាច្រើនបានប្រើរបាំងឧស្ម័ន និងបាញ់ទឹកដើម្បីឲ្យត្រជាក់និងដាច់ដោយឡែកពីគ្នា ការពារកុំឲ្យរាលដាលដល់តំបន់ជុំវិញ។ នគរបាលសង្កាត់ អានខេ ក៏បានបិទកំណាត់ផ្លូវមួយខ្សែផងដែរ ដើម្បីធានាសុវត្ថិភាពសាធារណៈ និងសម្រួលដល់កិច្ចខិតខំប្រឹងប្រែងពន្លត់អគ្គីភ័យ។

ក្រោយការប្រឹងប្រែងអស់រយៈពេលជាង១ម៉ោង ភ្លើងក៏អាចគ្រប់គ្រងបាន ។ ទោះបីជាយ៉ាងណាក៏ដោយ បរិមាណផ្សែងនៅតែមានច្រើន ទើបសមត្ថកិច្ចបន្តបាញ់ទឹកពន្លត់ ដើម្បីពន្លត់ទាំងស្រុង។