កាសែតខ្មែរថាមស៍ បានរាយការណ៍នៅថ្ងៃនេះ ទី២២ ខែកុម្ភៈថា ជនសង្ស័យបានប្រកាសតាមតេឡេក្រាមថា សកម្មភាពរបស់ពួកគេទទួលបានការគាំទ្រពីប្រធានព្រឹទ្ធសភាកម្ពុជា។

នាយកដ្ឋានទប់ស្កាត់ឧក្រិដ្ឋកម្មតាមអ៊ីនធឺណិត ក្រោមក្រសួងមហាផ្ទៃកម្ពុជា បានបើកការស៊ើបអង្កេតកាលពីថ្ងៃទី១៦ ខែកុម្ភៈ ឈានទៅដល់ការបង្ក្រាបករណីឆបោក។ ការស៊ើបអង្កេតនេះ ធ្វើឡើងក្រោមការបញ្ជាពីនាយឧត្តមសេនីយ៍ ស ថេត (អគ្គស្នងការនគរបាលជាតិ) និងក្រោមការដឹកនាំរបស់ ឧត្តមសេនីយ៍ឯក ឌី វិជ្ជា (អគ្គស្នងការរងនគរបាលជាតិ)។

រូបថត៖ ខ្មែរថាមស៍ រូបថតអេក្រង់

ដោយមានការសម្របសម្រួលជាមួយអយ្យការអមសាលាដំបូងរាជធានីភ្នំពេញ នាយកដ្ឋានប្រឆាំងបទល្មើសបច្ចេកវិទ្យា បានឃាត់ខ្លួនជនសង្ស័យចំនួន ០២នាក់ រួមមាន ឈ្មោះ ខេ.អេស.អិន (ភេទស្រី) បម្រើការងារនៅហាងកែសម្ផស្ស និង ប៊ីធីអឹម (ភេទប្រុស) មុខរបរជាសន្តិសុខចំណតរថយន្តនៅផ្សារទំនើប។

តាម​លទ្ធផល​ស៊ើបអង្កេត​របស់​សមត្ថកិច្ច​ជនសង្ស័យ​ទាំង​២​នាក់​បាន​ឆបោក​ប្រាក់​ជនរងគ្រោះ​ប្រមាណ​១៨​ម៉ឺន​ដុល្លារ​អាមេរិក​។ ខ្មែរថាមស៍ មិន​បាន​បញ្ជាក់​ពី​សកម្មភាព​ឆបោក​របស់​ជន​សង្ស័យ​ទាំង​ពីរ​នាក់​នោះ​ទេ។

បច្ចុប្បន្ន​ជនសង្ស័យ​ទាំង​២​នាក់​ត្រូវ​បាន​ការិយាល័យ​ជំនាញ​កសាង​សំណុំរឿង​បញ្ជូន​ទៅ​សាលាដំបូង​រាជធានី​ភ្នំពេញ​ចាត់ការ​តាម​ច្បាប់ ។

តាមរយៈហេតុការណ៍ខាងលើ នាយកដ្ឋានទប់ស្កាត់ឧក្រិដ្ឋកម្មតាមអ៊ីនធឺណិតកម្ពុជា បានក្រើនរំលឹកដល់ប្រជាពលរដ្ឋឱ្យមានការប្រុងប្រយ័ត្ន មុននឹងសម្រេចចិត្តវិនិយោគលុយតាមអ៊ីនធឺណិត និងពិចារណាឱ្យបានហ្មត់ចត់នូវប្រភពផ្សាយពាណិជ្ជកម្មអំពីការវិនិយោគតាមអ៊ីនធឺណិតផ្សេងៗជាមុន ដើម្បីចៀសវាងការបាត់បង់ផលប្រយោជន៍ និងទ្រព្យសម្បត្តិក្នុងករណីណាក៏ដោយ នេះបើយោងតាម កាសែតខ្មែរថាមស៍ ។