រថយន្តក្រុងដឹកអ្នកដំណើរ ឆេះខ្ទេចខ្ទី នៅលើផ្លូវ Khanh Le Pass

អគ្គិភ័យ​នេះ​បាន​កើតឡើង​នៅ​វេលា​ម៉ោង​៦​និង​០០​នាទី​ល្ងាច ។ កាលពីថ្ងៃទី២៤ ខែសីហា នៅលើផ្លូវជាតិលេខ២៧C លើ Khanh Le Pass ក្នុងភូមិ Bo Lang ឃុំ Son Thai ស្រុក Khanh Vinh ខេត្ត Khanh Hoa។

នៅពេលនោះ រថយន្តក្រុងដឹកអ្នកដំណើរមួយគ្រឿង ពាក់ស្លាកលេខ ឡាំដុង ដឹកអ្នកដំណើរ២០នាក់ ធ្វើដំណើរក្នុងទិសដៅពីដាឡាត់-ញ៉ាត្រាង ឆាបឆេះពេលមកដល់គីឡូម៉ែត្រលេខ៤២+៨២០T។

អ្នក​បើក​បរ​បាន​ស្រែក​ឆោឡោ​បើក​ទ្វារ​ឲ្យ​អ្នក​ដំណើរ​រត់​គេច​ខ្លួន។ ប៉ុន្មាននាទីក្រោយមក រថយន្តទាំងមូលត្រូវបានឆាបឆេះយ៉ាងសន្ធោសន្ធៅ។

ក្រោយ​ពី​ទទួល​បាន​ព័ត៌មាន​ភ្លាម កម្លាំង​សង្គ្រោះ និង​រថយន្ត​ជំនាញ​បាន​បញ្ជូន​ទៅ​កន្លែង​កើតហេតុ ដើម្បី​ពន្លត់​ភ្លើង ។

អគ្គីភ័យនេះមិនបណ្តាលឲ្យមានអ្នករងរបួសនោះទេ ប៉ុន្តែរថយន្តបានឆេះខ្ទេចខ្ទី កញ្ចក់ និងបង្អួចបែកខ្ទេច។ ទំនិញ​ជា​ច្រើន​នៅ​លើ​រថយន្ត​បាន​ហៀរ​ចេញ​មក​លើ​ផ្លូវ​ឆេះ​ខ្មៅ​។ អគ្គិភ័យ​ក៏​បាន​បង្ក​ការ​កកស្ទះ​ចរាចរណ៍​លើ​ផ្លូវ​នេះ​រយៈពេល​ជាង​៤០​នាទី​។ មូលហេតុ​ដំបូង​គេ​សន្និដ្ឋាន​ថា​មកពី​អ្នកបើកបរ​ចាប់​ហ្វ្រាំង​ខ្លាំង​ពេក​។

Khanh Le Pass មានកំពស់ 1,700 ម៉ែត្រ និងបណ្តោយ 33 គីឡូម៉ែត្រ ស្ថិតនៅលើផ្លូវជាតិលេខ 27 តភ្ជាប់ពី Nha Trang ទៅ Da Lat ។ ផ្លូវឆ្លងកាត់នេះមានផ្លូវបត់ស្រួចជាច្រើន ច្រាំងថ្មចោទខ្ពស់ និងជ្រោះជ្រៅរហូតដល់ 300 ម៉ែត្រនៅកន្លែងខ្លះ ហើយធ្លាប់ជាកន្លែងគ្រោះថ្នាក់ជាច្រើន។

MINH MINH