អញ្ជើញចូលរួមក្នុងព្រឹត្តិការណ៍នេះមានប្រធានមហាសន្និបាតអង្គការសហប្រជាជាតិ លោក Philemon Yang និងឯកអគ្គរដ្ឋទូតនៃប្រទេសសមាជិក G77 និងប្រទេសចិននៅអង្គការពហុភាគីដ៏ធំបំផុតរបស់ពិភពលោក។

យោងតាមអ្នកឆ្លើយឆ្លងព័ត៌មាន VNA នៅទីក្រុងញូវយ៉ក ថ្លែងក្នុងពិធីនោះ ឯកអគ្គរដ្ឋទូត Dang Hoang Giang ប្រធានបេសកកម្មអចិន្ត្រៃយ៍វៀតណាមប្រចាំនៅ UN បានអះអាងថា ក្រុម G77 និងចិនជាក្រុមមួយក្នុងចំណោមក្រុមសំខាន់បំផុតនៅអង្គការសហប្រជាជាតិ មិនត្រឹមតែដោយសារចំនួនសមាជិកច្រើនជាងគេប៉ុណ្ណោះទេ ប៉ុន្តែក៏ដោយសារស្មារតីសាមគ្គីភាពក្នុងការលើកកម្ពស់សេដ្ឋកិច្ច និងការអភិវឌ្ឍន៍ជាអាទិភាពសម្រាប់ប្រទេសនានា។

នៅក្នុងកិច្ចប្រជុំកំពូលនៃការអភិវឌ្ឍន៍ប្រកបដោយនិរន្តរភាពឆ្នាំ 2023 និងកិច្ចប្រជុំកំពូលនាពេលអនាគតឆ្នាំ 2024 ក្រុមនេះបានលើកកម្ពស់គោលជំហររួម ការពារផលប្រយោជន៍ និងអាទិភាពនៃប្រទេសកំពុងអភិវឌ្ឍន៍ក្នុងការអនុវត្តគោលដៅអភិវឌ្ឍន៍ប្រកបដោយនិរន្តរភាព ក៏ដូចជាការកៀងគរហិរញ្ញវត្ថុ និងវិធីសាស្រ្តអនុវត្តដើម្បីសម្រេចបាននូវគោលដៅទាំងនេះ។

នាពេលខាងមុខ វៀតណាមស្នើឱ្យបន្តលើកកម្ពស់អាទិភាព និងតម្រូវការរបស់ក្រុម G77 និងចិននៅដំណើរការសំខាន់ៗរបស់អង្គការសហប្រជាជាតិ បង្កើនកិច្ចសហប្រតិបត្តិការខាងត្បូង-ខាងត្បូង ដើម្បីគាំទ្រគ្នាទៅវិញទៅមកក្នុងដំណើរការអភិវឌ្ឍន៍ និងលើកកំពស់វិធីសាស្រ្តការងារ ខណៈនៅតែប្រកាន់យកតម្លៃប្រពៃណី ដើម្បីលើកកំពស់ប្រសិទ្ធភាពប្រតិបត្តិការរបស់ក្រុម។

វៀតណាមមានមោទនភាពដែលជាសមាជិកស្ថាបនិកមួយក្រុម G77 និងចិន ដោយអះអាងថា នឹងបន្តរួមចំណែកយ៉ាងសកម្ម និងច្រើនចំពោះការងាររួមរបស់ក្រុម ក្នុងស្មារតីសហប្រតិបត្តិការ មិត្តភាព និងលើកកម្ពស់ពហុភាគីនិយម។