អ្នកចាំទី ង្វៀន ហ្វីលីព និងក្រុមវៀតណាម ប្ដេជ្ញាចិត្តខ្លាំងសម្រាប់ការប្រកួតជាមួយក្រុមឥណ្ឌូនេស៊ី ក្នុងពូល B ពានរង្វាន់ AFF Cup 2024 ព្រោះកាលពីជួបគ្នា 3 លើកមុនឆ្នាំនេះ រូបគេមិនទាន់បានភ្លក្សរសជាតិឈ្នះលើគូប្រកួតនេះទេ។ គាត់ថែមទាំងត្រូវបានមិត្តរួមក្រុម Duy Manh បង្ហាញពីរបៀប "សុំសំណាង" ដើម្បីកម្ចាត់សំណាងអាក្រក់មុនការប្រកួតដ៏សំខាន់នេះ។

ដូច្នេះបន្ទាប់ពីរក្សា Clean Sheet និងជួយក្រុមវៀតណាមឈ្នះ 1-0 ទល់នឹងក្រុមមកពីប្រជុំកោះ អ្នកចាំទី Nguyen Filip បានបង្ហាញអារម្មណ៍ថា "អារម្មណ៍នៃការឈ្នះជាមួយក្រុមវៀតណាមគឺសប្បាយចិត្តណាស់។ នេះជាជ័យជម្នះលើកដំបូងរបស់ខ្ញុំ ប៉ុន្តែសំខាន់ជាងនេះទៅទៀត 3 ពិន្ទុនេះមានសារៈសំខាន់សម្រាប់ក្រុមទាំងមូល។ ពេលនេះក្រុមវៀតណាមមាន 6 ពិន្ទុ ហើយទ្វារទៅកាន់វគ្គបន្ទាប់គឺបើកចំហរហើយ"។ ង្វៀន ហ្វីលីព មានការគោរពចំពោះគូប្រជែងឥណ្ឌូនេស៊ីរបស់គាត់។ កីឡាករ Nguyen Filip បាននិយាយថា "ទោះបីជានេះមិនមែនជាក្រុមខ្លាំងបំផុតរបស់ពួកគេក៏ដោយ ប៉ុន្តែយើងមានការគោរពជាដាច់ខាត។

អ្នកចាំទីដែលមានឈាមវៀតណាម-ឆេក បានចែករំលែកបន្ថែមទៀតអំពីការប្រកួតដែលទាក់ទាញការចាប់អារម្មណ៍យ៉ាងខ្លាំងពីអ្នកគាំទ្រវៀតណាមថា៖ "ក្រុមឥណ្ឌូនេស៊ីការពារបានល្អ ប៉ុន្តែក្រុមវៀតណាមដឹងពីរបៀបស៊ុត។ ខ្ញុំសង្ឃឹមថាអ្នកគាំទ្រនឹងមិនបន្ទោសយើងទៀតទេ។ គោលដៅរបស់ខ្ញុំនៅ AFF Cup គឺឈ្នះជើងឯកជាមួយក្រុមវៀតណាម"។

ក្រោយយកឈ្នះក្រុមឥណ្ឌូណេស៊ី ថ្ងៃនេះ ង្វៀន ហ្វីលីព និងក្រុមវៀតណាម បានចេញដំណើរទៅកាន់ទីក្រុងម៉ានីល ដើម្បីត្រៀមប្រកួតជាមួយហ្វីលីពីន នៅថ្ងៃទី១៨ ខែធ្នូ។​ ដោយឈ្នះទាំង២ប្រកួត ទទួលបាន៦ពិន្ទុដាច់ខាត ក្រុមវៀតណាម មានឱកាសច្រើនក្នុងការឈានទៅវគ្គពាក់កណ្តាលផ្តាច់ព្រ័ត្រក្នុងនាមជាក្រុមកំពូលតារាងក្នុងពូល B។

តារាងចំណាត់ថ្នាក់ពូល B ពានរង្វាន់ AFF Cup 2024 នៅថ្ងៃទី ១៦ ខែធ្នូ៖