យន្តហោះគ្មានមនុស្សបើកអាថ៌កំបាំង ត្រូវបានគេប្រទះឃើញនៅជិតមូលដ្ឋានទ័ពអាមេរិក

យោងតាមអ្នកនាំពាក្យរបស់បញ្ជាការអឺរ៉ុប យន្តហោះគ្មានមនុស្សបើកជាច្រើនត្រូវបានគេសង្កេតឃើញនៅឯមូលដ្ឋាន យោធា ចំនួនបីគឺ RAF Lakenheath, RAF Mildenhall នៅ Suffolk និង RAF Feltwell នៅ Norfolk រវាងថ្ងៃទី 20 និង 22 ខែវិច្ឆិកា។ RAF Lakenheath ធ្លាប់ជាកន្លែងផ្ទុកអាវុធនុយក្លេអ៊ែររបស់សហរដ្ឋអាមេរិកក្នុងអំឡុងសង្គ្រាមត្រជាក់។

យោធាបាននិយាយថា ចំនួននៃយន្តហោះគ្មានមនុស្សបើកអាថ៌កំបាំង "ប្រែប្រួល និងផ្លាស់ប្តូរទំហំ និងការកំណត់" ហើយវាមិនច្បាស់ថាតើពួកវាបង្កការគំរាមកំហែងអរិភាពឬយ៉ាងណា។

មន្ទីរបញ្ចកោណបានបដិសេធមិនធ្វើអត្ថាធិប្បាយទេ នៅពេលត្រូវបានសួរថា តើប្រព័ន្ធការពារអាកាសណាមួយត្រូវបានប្រើប្រាស់ប្រឆាំងនឹងយន្តហោះគ្មានមនុស្សបើក។ ទីភ្នាក់ងារនេះបាននិយាយថា ខ្លួនកំពុងតាមដានយ៉ាងសកម្មនូវស្ថានភាពនេះ ដើម្បីធានាថាគ្មានការឈ្លានពានណាមួយប៉ះពាល់ដល់បុគ្គលិកមូលដ្ឋាន ឬហេដ្ឋារចនាសម្ព័ន្ធសំខាន់ៗឡើយ។

អ្នកនាំពាក្យ មន្ទីរបញ្ចកោណបាននិយាយថា "ដើម្បីការពារសន្តិសុខប្រតិបត្តិការ យើងមិនពិភាក្សាអំពីវិធានការជាក់លាក់របស់យើងទេ។ យើងបន្តត្រួតពិនិត្យដែនអាកាស ហើយកំពុងធ្វើការជាមួយអាជ្ញាធរជាតិម្ចាស់ផ្ទះ និងដៃគូរបស់យើង ដើម្បីធានាសុវត្ថិភាពនៃបុគ្គលិកមូលដ្ឋាន មធ្យោបាយ និងទ្រព្យសម្បត្តិ" ។

ក្រសួងការពារជាតិ ក៏បានបដិសេធមិនធ្វើអត្ថាធិប្បាយលើ "នីតិវិធីសន្តិសុខ" ជាក់លាក់មួយនៅនឹងកន្លែង ដោយអ្នកនាំពាក្យបាននិយាយថា យោធាបានចាត់វិធានការណ៍ "យ៉ាងធ្ងន់ធ្ងរ" និងរក្សា "វិធានការរឹងមាំ" នៅកន្លែងការពារសំខាន់ៗ។

RAF Lakenheath គឺជាកន្លែងផ្ទុកអាវុធនុយក្លេអ៊ែរមួយក្នុងចំណោមកន្លែងផ្ទុកអាវុធនុយក្លេអ៊ែររបស់សហរដ្ឋអាមេរិកចំនួនបីនៅចក្រភពអង់គ្លេសក្នុងអំឡុងសង្គ្រាមត្រជាក់។ វាមានក្បាលគ្រាប់នុយក្លេអ៊ែរចំនួន 110 របស់អាមេរិក គិតត្រឹមឆ្នាំ 2008 ។

យោងតាមរបាយការណ៍មុនៗ មន្ទីរបញ្ចកោណកំពុងរៀបចំមូលដ្ឋានដើម្បីរក្សាទុកអាវុធនុយក្លេអ៊ែរម្តងទៀត។ យោធាអាមេរិកបានស្នើសុំ 50 លានដុល្លារសម្រាប់កន្លែងផ្ទុកថ្មីនៅ RAF Lakenheath កាលពីឆ្នាំមុននៅក្នុងសំណើទៅ សភា ។