អាមេរិក​ត្រៀម​ខ្លួន​សម្រាប់​ព្យុះ​ធំ

យោងតាម ​​NHC តំបន់ឥទ្ធិពលខ្យល់របស់ព្យុះនេះអាចលាតសន្ធឹងប្រហែល 180 ម៉ាយល៍ (290 គីឡូម៉ែត្រ) ពីឧបទ្វីប Florida ទៅភាគខាងត្បូងនៃហ្សកហ្ស៊ី។ ទីក្រុងនៅតាមមាត់សមុទ្រ ដែលខ្យល់ព្យុះបោកបក់មកលើគោក អាចប្រឈមនឹងរលកខ្ពស់ និងខ្យល់ព្យុះ។ Helene ក៏ត្រូវបានព្យាករណ៍ថានឹងបង្អុរភ្លៀងធ្លាក់ខ្លាំង ដោយមានភ្លៀងធ្លាក់ដល់ទៅ 15 អ៊ីញ (381 ម.ម) ដែលនាំឲ្យមានទឹកជំនន់នៅតំបន់ជាច្រើន។

ដើម្បីឆ្លើយតបទៅនឹងការវិវឌ្ឍន៍ដែលមិនអាចទាយទុកជាមុនបាននៃព្យុះហឺរីខិន ហេឡេន អាជ្ញាធរសហរដ្ឋអាមេរិកបានប្រកាសដាក់ប្រទេសក្នុងភាពអាសន្ននៅក្នុងរដ្ឋជាច្រើនរួមមានរដ្ឋផ្លរីដា ហ្សកហ្ស៊ី រដ្ឋ North Carolina រដ្ឋ South Carolina និងរដ្ឋ Virginia ។ នៅរដ្ឋផ្លរីដា ប្រជាជននៅតំបន់ខ្លះត្រូវជម្លៀសចេញ សាលារៀន និងអាជីវកម្មជាច្រើនត្រូវបានបិទជាបណ្ដោះអាសន្ន ហើយជើងហោះហើរជាង 800 ត្រូវបានលុបចោលមុនពេលព្យុះបានបោកបក់។