រដូវក្តៅមកដល់ហើយ មនុស្សងាយនឹងខ្វះជាតិទឹក។ ដោយសារតែការបែកញើសច្រើន រាងកាយនឹងបញ្ចេញទឹកច្រើនជាងស្រូបយក ដែលបណ្តាលឱ្យខ្សោះជាតិទឹក។ ការខះជាតិទឹកអាចនាំឱ្យមានផលវិបាកធ្ងន់ធ្ងរដូចជា ប្រកាច់ ហើមខួរក្បាល ខ្សោយតម្រងនោម ឆក់ សន្លប់ និងសូម្បីតែស្លាប់។

យោងតាមអ្នកជំនាញផ្នែកវេជ្ជសាស្រ្ដ ការខ្សោះជាតិទឹកបណ្តាលឱ្យមានជំងឺជាច្រើនក្នុងរាងកាយ ប៉ុន្តែធ្ងន់ធ្ងរបំផុតគឺបញ្ហាពោះវៀន។

ខាងក្រោម​នេះ​ជា​រោគ​សញ្ញា​គួរ​ឱ្យ​ព្រួយបារម្ភ​មួយ​ចំនួន​នៃ​ការ​ខ្សោះ​ជាតិ​ទឹក​ដែល​អ្នក​មិន​គួរ​ព្រងើយកន្តើយ។

បណ្តាលឱ្យច្រាលអាស៊ីត និងហើមពោះ

យោងតាមអ្នកជំនាញផ្នែកវេជ្ជសាស្រ្ដ ការខ្វះជាតិទឹក កាល់ស្យូម និងម៉ាញេស្យូម នឹងបង្កឱ្យមានដំបៅ រលាកក្រពះ ច្រាលអាស៊ីត ដោយសារក្រពះមិនមានទឹកគ្រប់គ្រាន់សម្រាប់ផលិតអាស៊ីតរំលាយអាហារ។

យោងតាមការសិក្សាមួយដែលត្រូវបានចេញផ្សាយនៅក្នុងទស្សនាវដ្តីវេជ្ជសាស្ត្រ Plos One ការផឹកទឹកអាចជួយកម្រិតរោគសញ្ញាធ្ងន់ធ្ងរនៃការចាល់អាស៊ីតដោយការបង្កើន pH នៅក្នុងក្រពះជាបណ្តោះអាសន្ន។

លាមកស្អិត

វេជ្ជបណ្ឌិតនិយាយថាលាមកស្អិតអាចជារោគសញ្ញានៃជំងឺរំលាយអាហារបណ្តោះអាសន្នឬរ៉ាំរ៉ៃ។ មូលហេតុចម្បងគឺដោយសារតែកង្វះជាតិទឹកក្នុងរាងកាយ ឬទទួលទានអាហារដែលមានជាតិខ្លាញ់ច្រើនជាប្រចាំ។ អ្នក​ជំនាញ​ផ្នែក​សុខភាព​ណែនាំ​ឱ្យ​ផឹក​ទឹក​យ៉ាង​ហោច​ណាស់​២​លីត្រ​ជា​រៀង​រាល់​ថ្ងៃ​ដើម្បី​ជៀស​វាង​បញ្ហា​នេះ​បើ​យោង​តាម ​កាសែត Times Now News ។

ហើមពោះ និងចង្អោរ

នៅពេលដែលរាងកាយខ្វះជាតិទឹក វានឹងបណ្តាលឱ្យទល់លាមក នាំឱ្យហើមពោះ។ វេជ្ជបណ្ឌិតនិយាយថា ការផឹកទឹកច្រើនអាចជួយបំបាត់ការហើមពោះដែលបណ្តាលមកពីការខះជាតិទឹក និងអតុល្យភាពអេឡិចត្រូលីត។