នៅអាកាសយានដ្ឋានអន្តរជាតិ Noi Bai ទីក្រុងហាណូយ នាយប់នេះ បានរៀបចំពិធីប្រគល់ជំនួយមនុស្សធម៌របស់សហព័ន្ធរុស្ស៊ីដល់ប្រទេសវៀតណាម ដើម្បីជួយជំនះផលវិបាកដោយព្យុះលេខ ៣ (ព្យុះ Yagi) ដោយមានការចូលរួមពីភារធារីរុស្ស៊ីប្រចាំនៅវៀតណាម Ivan Sergeevich Nesterov ។

នៅម៉ោង៧យប់ថ្ងៃដដែល យន្តហោះពិសេសរបស់ក្រសួងស្ថានការណ៍គ្រាអាសន្នរុស្ស៊ីបានចុះចតនៅអាកាសយានដ្ឋាន ដោយដឹកជំនួយមនុស្សធម៌ចំនួន ៣៥តោន រួមទាំងស្ថានីយថាមពលចល័ត អាហារ និងសម្ភារចាំបាច់...

មុននេះ ប្រធានគណបក្សរួបរួមរុស្ស៊ី និងជាអនុប្រធានក្រុមប្រឹក្សាសន្តិសុខសហព័ន្ធរុស្ស៊ី លោក Dmitry Medvedev បានផ្ញើសាររំលែកទុក្ខដល់ក្រុមគ្រួសារ និងសាច់ញាតិនៃអ្នកស្លាប់ដោយខ្យល់ព្យុះលេខ៣ ហើយបានជូនពរជនរងគ្រោះឆាប់ជាសះស្បើយ។

ក្នុងប៉ុន្មានថ្ងៃថ្មីៗនេះ ប្រទេស និងអង្គការអន្តរជាតិជាច្រើនបានផ្ញើសំបុត្រ ទូរលេខ សាររំលែកទុក្ខ ក៏ដូចជាការឧបត្ថម្ភដោយផ្ទាល់ និងដោយប្រយោលជាមួយនឹងធនធានហិរញ្ញវត្ថុ សម្ភារៈសម្រាប់ស្នាក់នៅ សង្គ្រោះ សម្ភារៈចាំបាច់ និងអ្នកជំនាញដើម្បីវៀតណាមជំនះផលវិបាកនៃព្យុះលេខ ៣ ឱ្យបានឆាប់តាមដែលអាចធ្វើទៅបាន។

រូបភាពខ្លះនៃពិធីទទួលជំនួយ៖