អគ្គិភ័យនេះបានកើតឡើងនៅវេលាម៉ោង ៨ និង២០នាទីព្រឹក ថ្ងៃទី២០ ខែសីហា នៅលើផ្លូវហាយវ៉េ Phan Thiet - Dau Giay ចម្ងាយប្រហែល ២ គីឡូម៉ែត្រពីផ្លូវប្រសព្វរវាងទីក្រុងហូជីមិញ - Long Thanh - Dau Giay (ក្នុងឃុំ Song Nhan ស្រុក Cam My ខេត្ត Dong Nai) ។

តាមព័ត៌មានបឋមបានឲ្យដឹងថា នៅវេលាម៉ោងខាងលើ រថយន្តកុងតឺន័រ BS 50H – 168.95 ធ្វើដំណើរលើផ្លូវ Phan Thiet – Dau Giay ក្នុងទិសដៅពី Binh Thuan – Dong Nai លុះមកដល់កំណាត់ផ្លូវខាងលើ ស្រាប់តែរថយន្តខាងមុខ ស្រាប់តែមានភ្លើងឆាបឆេះតែម្តង។ ពេលនោះ​ភ្លើង​បាន​ឆាបឆេះ​យ៉ាង​សន្ធោសន្ធៅ​ពេញ​រថយន្ត​ខាងមុខ​។

ពេលទទួលបានដំណឹងនេះ នាយកដ្ឋាននគរបាលចរាចរណ៍ (ក្រសួងសន្តិសុខសាធារណៈ) បានហៅកម្លាំងបង្ការ និងពន្លត់អគ្គិភ័យ ដើម្បីពន្លត់ភ្លើង។ ទន្ទឹមនឹងនោះ ត្រូវរៀបចំកម្លាំងល្បាត ត្រួតពិនិត្យចរាចរណ៍ ធានាសុវត្ថិភាព និងទប់ស្កាត់ការកកស្ទះចរាចរណ៍នៅតំបន់ខាងលើ។

នៅកន្លែងកើតហេតុ រថយន្តកុងតឺន័របានរងការខូចខាតផ្នែកខាងមុខយ៉ាងដំណំ ពុំមានអ្នករងរបួស ឬដឹកទំនិញនោះទេ (រថយន្តមិនមានដឹកអីវ៉ាន់ទេ ពេលភ្លើងឆេះ)។

ភ្លើងឆេះរថយន្តនៅលើផ្លូវហាយវ៉េ Phan Thiet - Dau Giay កំពុងត្រូវបានស៊ើបអង្កេត និងបំភ្លឺដោយនគរបាលស្រុក Cam My ដោយមានការសម្របសម្រួលជាមួយនាយកដ្ឋាននគរបាលចរាចរណ៍។