សារព័ត៌មាន Kyiv Independent បានដកស្រង់សម្តីលោក Syrskyi ដោយពណ៌នាអំពីកាំជ្រួច Oreshnik ថ្មីរបស់រុស្ស៊ីថាជា "ការគម្រាមកំហែងដែលបច្ចុប្បន្នមានតែប្រព័ន្ធការពារដែនអាកាសមួយចំនួនប៉ុណ្ណោះក្នុងពិភពលោកដែលអាចស្ទាក់ចាប់បាន" ខណៈទទួលស្គាល់ថាអ៊ុយក្រែនមិនមានអាវុធបែបនេះទេ។

លោក Syrskyi បាននិយាយថា "នេះបង្ខំឱ្យយើងធ្វើការចរចាយ៉ាងសកម្មជាមួយសម្ព័ន្ធមិត្តរបស់យើង ដើម្បីអាចទទួលបានប្រព័ន្ធដែលមានសមត្ថភាពបែបនេះ ក៏ដូចជាការផលិតកាំជ្រួចទំនើបដែលអាចស្ទាក់ចាប់អាវុធរុស្ស៊ី" ។ ឧត្តមសេនីយអ៊ុយក្រែនក៏បានបង្ហើបថា ប្រទេសនេះនឹងអភិវឌ្ឍប្រព័ន្ធការពារដែនអាកាសរបស់ខ្លួនដែលមានសមត្ថភាពស្មើនឹងប្រព័ន្ធ Patriot របស់អាមេរិក។