សម្តេច ហ៊ុន ម៉ាណែត ផ្ញើលិខិតចូលរួមរំលែកទុក្ខចំពោះអគ្គិភ័យឆេះផ្ទះល្វែងខ្នាតតូច

លោក ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ រូបថត៖ AFP

ក្រសួងការបរទេសវៀតណាមបានរាយការណ៍ថា បន្ទាប់ពីបានឮដំណឹងនៃគ្រោះអគ្គីភ័យដែលបានកើតឡើងនៅសង្កាត់ Khuong Dinh ស្រុក Thanh Xuan ទីក្រុងហាណូយ កាលពីយប់ថ្ងៃទី១២ ខែកញ្ញា ឆ្នាំ២០២៣ បណ្តាលឲ្យមានការខាតបង់យ៉ាងធ្ងន់ធ្ងរលើអាយុជីវិត និងទ្រព្យសម្បត្តិ នោះ កាលពីថ្ងៃទី២០ ខែកញ្ញា នាយករដ្ឋមន្ត្រីកម្ពុជា លោក ហ៊ុន ម៉ាណែត បានផ្ញើលិខិតចូលរួមរំលែកទុក្ខជូនលោក Pham Minh Chinh នាយករដ្ឋមន្រ្តីវៀតណាម។

ក្នុងលិខិតនោះ ក្នុងនាមរាជរដ្ឋាភិបាល និងប្រជាជនកម្ពុជា លោកនាយករដ្ឋមន្ត្រី ហ៊ុន ម៉ាណែត បានផ្ញើរំលែកទុក្ខយ៉ាងក្រៀមក្រំបំផុតជូនលោកនាយករដ្ឋមន្ត្រី Pham Minh Chinh ជនរងគ្រោះ និងក្រុមគ្រួសារ។

សម្តេចនាយករដ្ឋមន្ត្រីកម្ពុជា ក៏បានបង្ហាញជំនឿថា ក្រោមការដឹកនាំរបស់រដ្ឋាភិបាលវៀតណាម ប្រជាជនវៀតណាមនឹងអាចឆ្លងផុតគ្រាដ៏ឈឺចាប់ទាំងនេះក្នុងពេលឆាប់ៗនេះ។

នាថ្ងៃដដែល រដ្ឋមន្ត្រីក្រសួងការបរទេសឥណ្ឌា លោក Subrahmanyam Jaishankar បានផ្ញើលិខិតរំលែកទុក្ខជូនរដ្ឋមន្ត្រីក្រសួងការបរទេស Bui Thanh Son។

អគ្គិភ័យ​នៅ​អគារ​អាផាតមេន​ខ្នាត​តូច​នៅ​ផ្លូវ​លេខ ២៩/៧០ ផ្លូវ​ឃួង​ហា សង្កាត់​ឃួង​ឌិញ ស្រុក​ថាញ ស៊ួ​ន កើតឡើង​នៅវេលា​ម៉ោង​១១​និង​២២​នាទី​យប់​ថ្ងៃ​ទី​១២ ខែកញ្ញា គិត​ត្រឹម​ម៉ោង​០​និង​១៥​នាទី​ព្រឹក​ថ្ងៃ​ទី​១៣ កញ្ញា អគ្គិភ័យ​បាន​រលត់​ជា​ស្ថាពរ ហើយ​អាជ្ញាធរ​បាន​ជួយ​សង្គ្រោះ​មនុស្ស​ជាង​មួយ​រយ​នាក់​ដែល​ជាប់​គាំង ។ អគ្គិភ័យ​នេះ​មាន​សភាព​ធ្ងន់ធ្ងរ​ខ្លាំង ដែល​បណ្តាល​ឲ្យ​មនុស្ស​ស្លាប់​៥៦​នាក់​។

នាថ្ងៃទី ២០ ខែកញ្ញា ភ្នាក់ងារស៊ើបអង្កេតរបស់ប៉ូលីសទីក្រុងហាណូយបានប្រកាសពីការបញ្ចប់ការស៊ើបអង្កេត ទៅលើមូលហេតុនៃការឆេះផ្ទះល្វែងខ្នាតតូចដែល បានសម្លាប់មនុស្ស ៥៦ នាក់នៅផ្លូវ Khuong Ha ស្រុក Thanh Xuan ។

មូលហេតុ​នៃ​ការ​ឆាបឆេះ​នេះ​គេ​សន្និដ្ឋាន​ថា​ឆ្លង​ចរន្ត​ទុស្សេ​ខ្សែភ្លើង​នៅ​កន្លែង​អាគុយ មុខ​ម៉ូតូ​ប្រើ​សាំង​(​ប្រភេទ​ស្កុត​ឡេ​) ទល់​នឹង​ជញ្ជាំង​ខាងត្បូង​ជាន់​ទី​១ បណ្តាល​ឱ្យ​ឆេះ​តែម្តង ។ ពេលនោះ​ភ្លើង​បាន​ឆាបឆេះ​ដល់​តំបន់​ខ្សែ​ភ្លើង ប្រអប់​ម៉ែត្រ​អគ្គិសនី​ជាប់​ជញ្ជាំង​ជាន់​ទី​១ ហើយ​ភ្លើង​បាន​ឆាបឆេះ​យ៉ាង​សន្ធោសន្ធៅ​។

laodong.vn