ថ្មីៗនេះ អ្នកបែកធ្លាយ Ice Universe បានបង្ហាញព័ត៌មានមួយចំនួនទាក់ទងនឹងទំហំរបស់ Galaxy S25 Ultra ។

Galaxy S25 Ultra នឹងមានសមាមាត្រអេក្រង់ទៅតួខ្លួនប្រសើរជាងមុន ហើយជាមួយនឹងជ្រុងមូល S25 Ultra នឹងមានអារម្មណ៍ស្រួលក្នុងការកាន់រយៈពេលយូរជាង S24 Ultra ។

កន្លងមកនេះ អ្នកបែកធ្លាយរូបនេះក៏បានទម្លាយថា ទូរសព្ទ S25 Ultra នឹងប្រើប្រាស់ប្រព័ន្ធកាមេរ៉ាក្រោយ 4 គ្រាប់។ កាមេរ៉ារួមមាន 200MP main sensor, 12MP ultra-wide camera, 10MP telephoto camera ដែលគាំទ្រ 3x optical zoom និង 50MP periscope lens ដែលគាំទ្រ 5x optical zoom។ កាមេរ៉ា telephoto ទាំងពីរមាន PDAF និង OIS ។

វាត្រូវបានគេដឹងថាផលិតផលនេះអាចនឹងចេញលក់ផ្តាច់មុខជាមួយនឹង Snapdragon 8 Gen 4 របស់ក្រុមហ៊ុន Qualcomm។ ទោះបីជាយ៉ាងណាក៏ដោយ មានប្រភពជាច្រើនបាននិយាយថា Samsung អាចនឹងចេញកំណែចំនួន 2 ដែលមួយប្រើ Exynos 2500។

លើសពីនេះ Samsung ក៏នឹងរក្សាសមត្ថភាពថ្មរបស់ម៉ូដែល Galaxy S នៅកម្រិត 5,000 mAh សម្រាប់ S25 ULtra និងទ្រទ្រង់បច្ចេកវិទ្យា 45W wired fast charging technology។

Galaxy S25 Ultra ត្រូវបានគេរំពឹងថានឹងភ្ជាប់មកជាមួយនូវ One UI 7 ដោយផ្អែកលើប្រព័ន្ធប្រតិបត្តិការ Android 15 នៅពេលចេញលក់។ បន្ថែមពីនេះ ក៏មានពាក្យចចាមអារ៉ាមថា ស្មាតហ្វូននេះ នឹងមានតួខ្លួនស្តើងជាងស្មាតហ្វូនជំនាន់មុនទៅទៀត។