រដ្ឋមន្ត្រីក្រសួងឧស្សាហកម្ម និងពាណិជ្ជកម្ម បញ្ជាក់ថា បរិមាណធ្យូងថ្មនាំចូលនៅមានកម្រិត ត្រូវតែដកការលំបាក ដើម្បីជំរុញការនាំចូលធ្យូងថ្មពីឡាវ មានតែពិភាក្សាគ្នា សកម្មភាពមិនដកថយ...

កប.អនឡាញ - នាថ្ងៃទី ២៧ ខែសីហា នៅទីក្រុងហាណូយ រដ្ឋមន្ត្រីក្រសួងឧស្សាហកម្ម និងពាណិជ្ជកម្ម លោក Nguyen Hong Dien បានអញ្ជើញជាអធិបតីក្នុងកិច្ចប្រជុំការងារជាមួយសាជីវកម្ម និងក្រុមហ៊ុនទូទៅក្នុងវិស័យថាមពល និងរ៉ែ ដើម្បីជំរុញកិច្ចសហប្រតិបត្តិការពាណិជ្ជកម្មធ្យូងថ្មជាមួយឡាវ។

អ្នកចូលរួមមានក្រុមឧស្សាហកម្មធ្យូងថ្ម និងរ៉ែជាតិវៀតណាម (TKV) ក្រុមប្រេង និងឧស្ម័នវៀតណាម (PVN) ក្រុមអគ្គិសនីវៀតណាម (EVN) សាជីវកម្ម Dong Bac និងសាជីវកម្មថាមពលប្រេង និងឧស្ម័នវៀតណាម។

នាយកដ្ឋានប្រេង ឧស្ម័ន និងធ្យូងថ្ម បាននិយាយថា ខ្លួនបានណែនាំ និងដឹកនាំរោងចក្រថាមពលកំដៅ និងអង្គភាពពាក់ព័ន្ធ ឱ្យពិចារណាទិញធ្យូងថ្មឡាវ សម្រាប់ផលិតអគ្គិសនី ស្របតាមការណែនាំរបស់នាយករដ្ឋមន្ត្រី។ ក្នុងកំឡុងឆ្នាំ 2025-2030 វៀតណាមត្រូវការនាំចូលធ្យូងថ្មយ៉ាងច្រើន (ប្រហែល 60-100 លានតោន/ឆ្នាំ) ប៉ុន្តែបច្ចុប្បន្ន កិច្ចសហប្រតិបត្តិការពាណិជ្ជកម្មធ្យូងថ្មជាមួយឡាវកំពុងជួបការលំបាកដោយសារហេដ្ឋារចនាសម្ព័ន្ធដឹកជញ្ជូនមានកម្រិត និងថ្លៃដឹកជញ្ជូនខ្ពស់ កាត់បន្ថយភាពប្រកួតប្រជែងរបស់ធ្យូងថ្មឡាវបើធៀបនឹងប្រភពផ្សេងទៀត។

រដ្ឋមន្ត្រី Nguyen Hong Dien បានសង្កត់ធ្ងន់លើសារៈសំខាន់នៃការអនុវត្តទិសដៅរបស់រដ្ឋាភិបាលក្នុងការជំរុញកិច្ចសហប្រតិបត្តិការពាណិជ្ជកម្មធ្យូងថ្មជាមួយឡាវ។ កិច្ចសហប្រតិបត្តិការនេះមិនត្រឹមតែជាកិច្ចការអភិវឌ្ឍន៍សេដ្ឋកិច្ចប៉ុណ្ណោះទេ ថែមទាំងជាកិច្ចការនយោបាយដ៏សំខាន់រវាងប្រទេសទាំងពីរផងដែរ។

លោករដ្ឋមន្ត្រី Nguyen Hong Dien បានឲ្យដឹងថា ទិន្នផលនាំចូលធ្យូងថ្មនាពេលនេះ នៅតែមានកម្រិតមធ្យម មិនសមស្របនឹងតម្រូវការ និងសក្តានុពលរបស់ប្រទេសទាំងពីរ។ ឯកឧត្តមរដ្ឋមន្ត្រី បានស្នើដល់សាជីវកម្ម និងក្រុមហ៊ុនទូទៅ រៀបចំរបាយការណ៍វាយតម្លៃយ៉ាងទូលំទូលាយអំពីតម្រូវការ និងលក្ខខណ្ឌសម្រាប់ការអនុវត្តកិច្ចសហប្រតិបត្តិការពាណិជ្ជកម្មធ្យូងថ្ម ដើម្បីបង្កើតកិច្ចព្រមព្រៀងសហប្រតិបត្តិការជាមួយនឹងបញ្ហាសំខាន់ៗចំនួនបី គឺបរិមាណនាំចូល វិធីសាស្ត្រជួញដូរ និងការបែងចែកបរិមាណនាំចូល។

នាយកដ្ឋានប្រេង ឧស្ម័ន និងធ្យូងថ្ម នឹងស្វែងរកយោបល់ពីក្រសួង វិស័យ និងមូលដ្ឋានជាបន្ទាន់ ដើម្បីបញ្ចប់សេចក្តីព្រាងកិច្ចព្រមព្រៀងនេះ ធានាគុណភាព និងវឌ្ឍនភាព សម្រាប់ក្រសួងឧស្សាហកម្ម និងពាណិជ្ជកម្ម ដាក់ជូនរដ្ឋាភិបាល។

វ៉ាន់ ភោគ