រុស្ស៊ី​ចាប់ផ្តើម​សមយុទ្ធ​នុយក្លេអ៊ែរ​យុទ្ធសាស្ត្រ

នាព្រឹកព្រលឹមថ្ងៃទី 22 ឧសភា (ម៉ោងនៅវៀតណាម) ក្រសួងការពារជាតិ រុស្ស៊ីបានប្រកាសថា កងកម្លាំងរបស់ខ្លួនបានចាប់ផ្តើមធ្វើសមយុទ្ធដំណាក់កាលទី 1 ដោយប្រើអាវុធនុយក្លេអ៊ែរយុទ្ធសាស្ត្រ ឬហៅថាអាវុធនុយក្លេអ៊ែរមិនយុទ្ធសាស្ត្រ។

ទីភ្នាក់ងារសារព័ត៌មាន TASS នៅល្ងាចថ្ងៃទី ២១ ឧសភា បានដកស្រង់សម្តីក្រសួងការពារជាតិរុស្ស៊ី ដែលនិយាយថា សមយុទ្ធនេះធ្វើឡើងនៅស្រុកយោធាភាគខាងត្បូង។ ដំណាក់កាលទីមួយនៃសមយុទ្ធនេះ ផ្តោតលើការអនុវត្តការរៀបចំ និងការប្រើប្រាស់អាវុធនុយក្លេអ៊ែរយុទ្ធសាស្ត្រ។

ជាពិសេស កងកម្លាំងកាំជ្រួចនឹងអនុវត្តការត្រៀមប្រើប្រាស់ប្រព័ន្ធមីស៊ីលយុទ្ធសាស្ត្រ Iskander ខណៈដែលកងទ័ពអាកាសនឹងអនុវត្តការបំពាក់អាវុធអាកាស រួមទាំងកាំជ្រួច Kinzhal hypersonic មុននឹងផ្លាស់ទីទៅកាន់តំបន់ល្បាតអំឡុងពេលធ្វើសមយុទ្ធ។

សេចក្តីប្រកាសរបស់ក្រសួងការពារជាតិរុស្ស៊ីបានសង្កត់ធ្ងន់ថា សមយុទ្ធនេះគឺសំដៅធានាការត្រៀមខ្លួនដើម្បីការពារ អធិបតេយ្យភាព និងបូរណភាពទឹកដីរបស់រុស្ស៊ីក្នុងស្ថានភាពណាមួយ។ ប្រធានាធិបតីរុស្ស៊ី លោក វ្ល៉ាឌីមៀ ពូទីន នៅដើមខែនេះ បានបញ្ជាឱ្យយោធាត្រៀមរៀបចំសមយុទ្ធនុយក្លេអ៊ែរ ចំពេលមានជម្លោះកាន់តែខ្លាំងឡើងនៅអ៊ុយក្រែន។

ឈី ហាន