អាមេរិក​មិន​ច្រានចោល​ទណ្ឌកម្ម​លើ​ធនាគារ​ចិន​ទេ។

យោងតាម ​​TASS នៅក្នុងបទសម្ភាសន៍មួយ លោកស្រី Yellen បាននិយាយថា "យើងមិនច្រានចោលនូវលទ្ធភាពនៃការដាក់ទណ្ឌកម្មធនាគារជាក់លាក់ណាមួយនោះទេ ប្រសិនបើមានភស្តុតាងគ្រប់គ្រាន់ដើម្បីអនុវត្តទណ្ឌកម្ម"។

លោកស្រី Yellen ក៏បានបង្ហាញដែរថា ការព្រមានដល់ធនាគារធំៗរបស់ចិនមានផលប៉ះពាល់ខ្លះៗ ដែលធ្វើឲ្យពួកគេ “ប្រុងប្រយ័ត្នខ្លាំង” ចំពោះទណ្ឌកម្មដែលអាចកាត់ផ្តាច់ពួកគេចេញពីប្រតិបត្តិការប្រាក់ដុល្លារអាមេរិក។

លោកស្រី Yellen បានសង្កត់ធ្ងន់ថា អាជ្ញាធរចិនយល់ថា ការដាក់ទណ្ឌកម្មនឹងជាការគំរាមកំហែងយ៉ាងធ្ងន់ធ្ងរដល់ផលប្រយោជន៍របស់ពួកគេ។

ទោះជាយ៉ាងណាក៏ដោយ លោកស្រី Yellen ក៏បានបញ្ជាក់ផងដែរថា ទីក្រុងវ៉ាស៊ីនតោន និងទីក្រុងប៉េកាំង មានបណ្តាញទំនាក់ទំនង ដើម្បីពិភាក្សាអំពីកង្វល់ជាក់លាក់ ហើយក្នុងករណីខ្លះ ការពិភាក្សាទាំងនេះអាចគ្រប់គ្រាន់ដើម្បីដោះស្រាយបញ្ហា។

ង៉ុក អាញ់ (យោងតាម ​​TASS, Yahoo, Daily Star)