Madam Pang ប្រកាសដាក់ទណ្ឌកម្មយ៉ាងតឹងរ៉ឹងចំពោះកីឡាករថៃដែលវាយអាជ្ញាកណ្តាល

កន្លង​មក​អាជ្ញាកណ្តាល Siwakorn Singthana ត្រូវ​កីឡាករ​វាយ​សម្រុក​ក្នុង​ការ​ប្រកួត​កាលពី​ពេល​ថ្មី​ៗ​នេះ​នៅ​ដី​វត្ត​មាស ។ ក្រោយ​ពី​វាយ​នោះ អាជ្ញាកណ្តាល Siwakorn Singthana ត្រូវ​បញ្ជូន​ទៅ​មន្ទីរពេទ្យ ហើយ​គាត់​បាន​ដាក់​របាយការណ៍​ប៉ូលិស។

ភ្លាមៗបន្ទាប់ពីដឹងពីឧបទ្ទវហេតុនេះ ប្រធាន FAT លោកស្រី Nualphan Lamsam (ត្រូវបានគេស្គាល់ជាទូទៅថា Madam Pang) បាននិយាយថា លោកស្រីប្រឆាំងដាច់ខាតចំពោះអំពើហិង្សាគ្រប់ទម្រង់នៅលើទីលានប្រកួត។

លើសពីនេះ បើតាម Madam Pang ទោះបីជាការប្រកួតនេះនៅក្រៅប្រព័ន្ធការប្រកួតដែលគ្រប់គ្រងដោយ FAT ប៉ុន្តែលោក Siwakorn Singthana គឺជាអាជ្ញាកណ្តាលក្រោម FAT Referee Board។ ដូច្នេះ​សមាគម​បាល់ទាត់​ថៃ​នឹង​ចេញ​ថ្លៃ​មន្ទីរពេទ្យ​ទាំងអស់​សម្រាប់​អាជ្ញាកណ្តាល Siwakorn Singthana។

ជាក់ស្តែងអាជ្ញាកណ្តាល Siwakorn Singthana បច្ចុប្បន្នជាអាជ្ញាកណ្តាលនៅ Thai-League 3 ដែលជាការប្រកួតក្នុងប្រព័ន្ធបាល់ទាត់អាជីពរបស់ទឹកដីប្រាសាទមាស។

លើសពីនេះ លោកជំទាវ ប៉ាង បានផ្តាំផ្ញើដល់លេខាធិការដ្ឋាន FAT និងក្រុមប្រឹក្សាអាជ្ញាកណ្តាល សម្របសម្រួលជាមួយសមត្ថកិច្ចពាក់ព័ន្ធ ដើម្បីគាំទ្រនីតិវិធីច្បាប់ ដើម្បីចាត់ការកីឡាករដែលវាយអាជ្ញាកណ្តាល Siwakorn Singthana តាមច្បាប់។

ថ្លែងទៅកាន់ប្រព័ន្ធផ្សព្វផ្សាយថៃ លោកជំទាវ ប៉ាង បានបញ្ជាក់ថា៖ «ខ្ញុំមិនគាំទ្ររាល់ទម្រង់នៃអំពើហិង្សាទាំងក្នុង និងក្រៅទីលាននោះទេ។ យើងសង្ឃឹមថាការប្រកួតកីឡាបាល់ទាត់ណាមួយដែលធ្វើឡើងនៅក្នុងប្រទេសថៃ គ្រប់គ្រង ឬសហការរៀបចំដោយ FAT ឬកៀរគរបុគ្គលិកឱ្យចូលរួមក្នុងអង្គការនេះ នឹងមិនមានអំពើហិង្សាកើតឡើងវិញទេ»។

Madam Pang បានសង្កត់ធ្ងន់ថា “ខ្ញុំមិនចង់ឃើញឧបទ្ទវហេតុស្រដៀងគ្នានេះកើតឡើងនាពេលអនាគតនៅលើទីលានបាល់ទាត់ថៃនោះទេ។

ប្រភព៖ https://dantri.com.vn/the-thao/madam-pang-tuyen-bo-xu-nghiem-vu-cau-thu-thai-lan-danh-trong-tai-20250804225507004.htm