បញ្ជូនខ្លួនជនសង្ស័យរំលោភក្មេងស្រីអាយុ៨ឆ្នាំ

កាលពីថ្ងៃទី១២ ខែឧសភា សារព័ត៌មានរបស់ភ្នាក់ងារនគរបាលស៊ើបអង្កេតខេត្ត ត្រាវិញ បានឲ្យដឹងថា អង្គភាពទើបតែបានបើកសំណុំរឿង ចោទប្រកាន់ជនជាប់ចោទ និងឃុំខ្លួនបណ្តោះអាសន្នថា ថាច់ ង៉ុកថា (អាយុ៣៩ឆ្នាំ នៅឃុំង៉ុកបៀន ស្រុកថ្កូវ ខេត្តត្រាវិញ) ដើម្បីស៊ើបអង្កេតករណីរំលោភលើមនុស្សអាយុក្រោម១៦ឆ្នាំ។ ថាច់ ង៉ុក ថា ជាអ្នកល្បួងរំលោភក្មេងស្រីអាយុ៨ឆ្នាំច្រើនដង។

Bị can Thạch Ngọc Thật tại cơ quan công an — ជនជាប់ចោទ ថាច់ ង៉ុក ថា នៅប៉ុស្តិ៍នគរបាល

បើតាមលទ្ធផលស៊ើបអង្កេតដំបូងបានឲ្យដឹងថា នៅក្នុងអំឡុងខែមីនា ឆ្នាំ២០២៤ ជននោះបានទៅផ្ទះមិត្តភ័ក្តិនៅក្នុងតំបន់ជាមួយគ្នាដើម្បីផឹកស៊ី។ ដោយសារពួកគេបានស្គាល់គ្នា ទើប M. (អាយុ ៨ ឆ្នាំ) ក៏មកលេងនៅទីនោះ។

ក្រោយពីផឹកស៊ីឆ្លៀតឱកាសពេលគ្មានអ្នកណានៅក្បែរនោះបានល្បួងរំលោភនាង M. រួចឱ្យលុយនាង៥.០០០ដុង ។ ជាមួយគ្នានោះ គាត់បានគំរាមនាងកុំឱ្យប្រាប់អ្នកណា។

ពេលក្រុមគ្រួសារប្រទះឃើញ M. ធ្វើសកម្មភាពខុសប្រក្រតី ក៏សួរនាំដឹងហេតុការណ៍ក៏រាយការណ៍ប្រាប់ប៉ូលិស។ ក្រោយពីទទួលបានរបាយការណ៍នេះ សមត្ថកិច្ចបានកោះហៅលោកថា ដើម្បីបំភ្លឺរឿងនេះ ។ នៅប៉ុស្តិ៍នគរបាលនោះ ថាបានសារភាពពីបទល្មើស ហើយបានសារភាពថា ខ្លួនធ្លាប់បានរំលោភលើឈ្មោះ M.៣លើកមកហើយ ។

ករណីរំលោភលើកុមារីអាយុ៨ឆ្នាំខាងលើ កម្លាំងជំនាញនៃស្នងការដ្ឋាននគរបាលខេត្តត្រាវិញ កំពុងស្រាវជ្រាវបន្ត និងចាត់ការតាមនិតិវិធីច្បាប់។

ប្រភព៖ https://thanhnien.vn/khoi-to-bi-can-xam-hai-be-gai-8-tuoi-185240512084632856.htm