បន្តសកម្មភាពក្នុងក្របខ័ណ្ឌនៃកិច្ចប្រជុំកំពូល G7 ដែលប្រព្រឹត្តទៅនៅទីក្រុងហ៊ីរ៉ូស៊ីម៉ា (ជប៉ុន) នារសៀលថ្ងៃទី ២០ ឧសភា នាយករដ្ឋមន្ត្រី Pham Minh Chinh បានជួបសន្ទនាជាមួយប្រធានក្រុមប្រឹក្សាអឺរ៉ុប Charles Michel។

ភាគីទាំងពីរបានសម្តែងការពេញចិត្តចំពោះជំហានវិជ្ជមានឆ្ពោះទៅមុខក្នុងទំនាក់ទំនងវៀតណាម - សហភាពអឺរ៉ុប (EU) ឆ្ពោះទៅរកការបង្កើនស៊ីជម្រៅ និងខ្លឹមសារ។

ដោយអះអាងថា EU ជាដៃគូសំខាន់នាំមុខគេក្នុងគោលនយោបាយការបរទេសរបស់វៀតណាម នាយករដ្ឋមន្ត្រី Pham Minh Chinh បានស្នើថា ភាគីទាំងពីរជំរុញការផ្លាស់ប្តូរគណៈប្រតិភូគ្រប់កម្រិត ជាពិសេសគឺកម្រិតខ្ពស់។ រក្សា និងលើកកម្ពស់ប្រសិទ្ធភាពនៃកិច្ចសហប្រតិបត្តិការ និងយន្តការសន្ទនាក្នុងក្របខ័ណ្ឌនៃកិច្ចព្រមព្រៀងក្របខ័ណ្ឌកិច្ចសហប្រតិបត្តិការភាពជាដៃគូ និងកិច្ចសហប្រតិបត្តិការលើគ្រប់វិស័យវៀតណាម - EU។

នាយករដ្ឋមន្រ្តីបានស្នើឱ្យប្រធានក្រុមប្រឹក្សាអឺរ៉ុបជំរុញឱ្យសភានៃប្រទេសជាសមាជិកផ្តល់សច្ចាប័នលើកិច្ចព្រមព្រៀងការពារការវិនិយោគ (EVIPA) ឱ្យបានឆាប់ ដោយបង្កើតឱ្យមានការឈានទៅមុខក្នុងកិច្ចសហប្រតិបត្តិការវិនិយោគរវាងភាគីទាំងពីរ។

ទន្ទឹមនឹងនោះ ក៏ផ្តល់អនុសាសន៍ថា ក្រុមប្រឹក្សាអឺរ៉ុបនិយាយចេញមក ដើម្បីឲ្យគណៈកម្មការអឺរ៉ុបឆាប់ដកកាតលឿង IUU លើការនាំចេញអាហារសមុទ្ររបស់វៀតណាម ក៏ដូចជាបន្តគាំទ្រវៀតណាមក្នុងការប្រែក្លាយគំរូអភិវឌ្ឍន៍ជលផលទំនើប និងនិរន្តរភាព។

នាយករដ្ឋមន្ត្រី Pham Minh Chinh សង្ឃឹមថា EU និងប្រទេសជាសមាជិកនឹងបន្តជួយឧបត្ថម្ភវៀតណាមក្នុងការទាក់ទាញធនធាន ដើម្បីអនុវត្តសេចក្តីថ្លែងការណ៍ស្តីពីភាពជាដៃគូផ្លាស់ប្តូរថាមពលដោយយុត្តិធម៌ (JETP)។ ជាពិសេស ផ្តល់អាទិភាពដល់ហិរញ្ញវត្ថុ បច្ចេកវិទ្យា ការកសាងសមត្ថភាពក្នុងដំណើរការផ្លាស់ប្តូរបៃតង ការអភិវឌ្ឍន៍ថាមពលកកើតឡើងវិញ និងឧស្សាហកម្មគាំទ្រ។

ចែករំលែកជាមួយនាយករដ្ឋមន្ត្រី Pham Minh Chinh ប្រធានក្រុមប្រឹក្សាអឺរ៉ុបបានសម្តែងនូវក្តីរីករាយចំពោះការអភិវឌ្ឍន៍យ៉ាងខ្លាំងក្លា និងទូលំទូលាយក្នុងទំនាក់ទំនងវៀតណាម - EU លើវិស័យជាច្រើន ជាពិសេសការផ្លាស់ប្តូរ និងទំនាក់ទំនងកម្រិតខ្ពស់ កិច្ចសហប្រតិបត្តិការសេដ្ឋកិច្ច - ពាណិជ្ជកម្ម និងវិនិយោគ។

លោកប្រធានាធិបតី Charles Micheal បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់វៀតណាមក្នុងការទប់ស្កាត់ និងប្រឆាំងអំពើពុករលួយ។ ទាក់ទិននឹងបញ្ហា “កាតលឿង” សម្រាប់អាហារសមុទ្រវៀតណាម សហភាពអឺរ៉ុបបានទទួលស្គាល់វឌ្ឍនភាពដែលភាគីទាំងពីរបានអនុវត្តក្នុងការដោះស្រាយបញ្ហានេះ។

លោក Charles Michea ក៏បានអះអាងដែរថា EU គាំទ្រយ៉ាងខ្លាំងក្លាចំពោះវៀតណាមក្នុងការផ្លាស់ប្តូរបៃតង និងការអនុវត្តកិច្ចព្រមព្រៀង JETP ដោយសង្ឃឹមថា វៀតណាមនឹងបន្តគាំទ្រ EU ក្នុងការពង្រឹងទំនាក់ទំនងជាមួយអាស៊ាន។