ប្រទេសកូរ៉េចាប់ផ្តើមបេសកកម្ម K-Innovation

ចាប់ពីចុងខែសីហានេះ គម្រោង K-Innovation Mission របស់ក្រសួង SMEs និង Startups របស់ប្រទេសកូរ៉េ ដើម្បីគាំទ្រដល់ក្រុមហ៊ុនក្នុងស្រុកចំនួន 1,000 ឱ្យក្លាយជាក្រុមហ៊ុនដែលមានផលិតផលនាំចេញខ្លាំងនឹងបោះជំហានដំបូងរបស់ខ្លួននៅក្នុងប្រទេសវៀតណាម។

ទីភ្នាក់ងារសារព័ត៌មាន Yonhap បានដកស្រង់សេចក្តីប្រកាសរបស់ក្រសួងកាលពីថ្ងៃទី 29 ខែកក្កដាថា គម្រោងលើកទឹកចិត្តសហគ្រាសធុនតូច និងមធ្យមក្នុងការច្នៃប្រឌិត និងនាំចេញទៅក្រៅប្រទេសបានបញ្ចប់ដំណើរការជ្រើសរើសធុរកិច្ចចូលរួមព្រឹត្តិការណ៍នៅវៀតណាម។

ក្រសួងបានទទួលបញ្ជីឈ្មោះក្រុមហ៊ុនចំនួន 125 ដែលបានចុះឈ្មោះចូលរួម ដែលភាគច្រើននៅក្នុងវិស័យសម្រស់ ការផលិតទំនិញប្រើប្រាស់ និងផ្នែកទន់។ ក្នុងចំណោមនោះ មានក្រុមហ៊ុនប្រហែល 25 នឹងត្រូវបញ្ជូនទៅចូលរួមក្នុងពិធីបុណ្យ Donghaen នៅ ទីក្រុងហាណូយ ចាប់ពីថ្ងៃទី 28 ខែសីហា។ អាជីវកម្មដែលចូលរួមនឹងត្រូវបានគាំទ្រជាមួយនឹងកម្មវិធីជាច្រើនដូចជា តភ្ជាប់ជួបដៃគូវៀតណាម និងពិគ្រោះយោបល់ដើម្បីបង្កើនប្រសិទ្ធភាពការនាំចេញ។

ខាន់ ហុង