សេវាសន្តិសុខរបស់ហ្សកហ្ស៊ី បាននិយាយថា ឧបករណ៍ទាំងប្រាំមួយត្រូវបាន "ដឹកជញ្ជូនពីទីក្រុង Odessa របស់អ៊ុយក្រែន ទៅកាន់ហ្សកហ្ស៊ី នៅថ្ងៃទី 19 ខែមករា តាមរយៈប្រទេសរ៉ូម៉ានី ប៊ុលហ្គារី និងTürkiye នៅក្នុងរថយន្តខ្នាតតូច ដែលជាកម្មសិទ្ធិរបស់ពលរដ្ឋអ៊ុយក្រែន"។

ឧបករណ៍​មាន​ផ្ទុក​សារធាតុ​ផ្ទុះ​ប្រភេទ C-4 ចំនួន ១៤ គីឡូក្រាម។

សេវាសន្តិសុខរបស់ហ្សកហ្ស៊ី បាននិយាយថា អាជ្ញាធរបានរកឃើញឧបករណ៍ផ្ទុះចំនួនបីនៅច្រកព្រំដែនហ្សកហ្ស៊ី-រុស្សី បន្ទាប់មកបានរកឃើញបីគ្រាប់ទៀតនៅក្នុងរដ្ឋធានី Tbilisi ។

យោងតាមសេចក្តីថ្លែងការណ៍របស់ទីភ្នាក់ងារសន្តិសុខលោក Andrei Sharashidze ជនជាតិអ៊ុយក្រែនដែលមានដើមកំណើតហ្សកហ្ស៊ីបានសម្របសម្រួលផែនការដឹកជញ្ជូនគ្រឿងផ្ទុះ។

សេចក្តីថ្លែងការណ៍ក៏បាននិយាយផងដែរថា ជនជាតិហ្សកហ្ស៊ី ៧នាក់ អ៊ុយក្រែន ៣នាក់ និងជនជាតិអាមេនី ២នាក់ ក៏បានចូលរួមក្នុងការដឹកជញ្ជូនគ្រឿងផ្ទុះផងដែរ ប៉ុន្តែ "គ្មាននរណាម្នាក់ក្នុងចំណោមពួកគេដឹងពីវត្តមានរបស់សារធាតុផ្ទុះ" នៅក្នុងឡាននោះទេ។

Tbilisi ត្រូវបានចោទប្រកាន់ពីបទបង្កើនកិច្ចសហប្រតិបត្តិការជាមួយវិមានក្រឹមឡាំង ទោះបីជាកងកម្លាំងរុស្ស៊ីត្រូវបានដាក់ពង្រាយទៅកាន់ផ្នែកខ្លះនៃហ្សកហ្ស៊ីចាប់តាំងពីឆ្នាំ 2008 នៅពេលដែលទីក្រុងម៉ូស្គូបានលុកលុយប្រទេស Caucasus ក៏ដោយ។

ការបង្កើនទំនាក់ទំនងរបស់ហ្សកហ្ស៊ីជាមួយទីក្រុងមូស្គូបានធ្វើឱ្យទំនាក់ទំនងរវាង Tbilisi និង Kiev កាន់តែតានតឹង។ ទំនាក់ទំនងកាន់តែតានតឹងបន្ទាប់ពីហ្សកហ្ស៊ីបានចាប់ដាក់គុកអតីតប្រធានាធិបតីគាំទ្រលោកខាងលិចលោក Mikheil Saakashvili ដែលកាន់សញ្ជាតិអ៊ុយក្រែន។

នៅខែកញ្ញា ឆ្នាំ 2023 រដ្ឋាភិបាលហ្សកហ្ស៊ីបាននិយាយថា អនុប្រធានផ្នែកប្រឆាំងចារកម្មយោធារបស់អ៊ុយក្រែន និងជាអតីតអនុរដ្ឋមន្ត្រីក្រសួងមហាផ្ទៃហ្សកហ្ស៊ី លោក Giorgi Lortkipanidze កំពុងរៀបចំផែនការធ្វើរដ្ឋប្រហារនៅហ្សកហ្ស៊ី។

នៅខែកក្កដា ឆ្នាំ 2023 ទីក្រុងគៀវបានបណ្តេញឯកអគ្គរដ្ឋទូតហ្សកហ្ស៊ី មួយឆ្នាំបន្ទាប់ពីបានហៅខ្លួនពីទីក្រុង Tbilisi មកវិញ។ នៅខែដដែលនោះ អ៊ុយក្រែនបានដាក់ទណ្ឌកម្មលើក្រុមហ៊ុនអាកាសចរណ៍លំដាប់កំពូលរបស់ហ្សកហ្ស៊ី គឺ Georgian Airways សម្រាប់ការបន្តជើងហោះហើរទៅកាន់ប្រទេសរុស្ស៊ី។