អតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា ត្រូវបានដោះលែងឱ្យនៅក្រៅឃុំ

កាលពីថ្ងៃទី១៣ ខែកុម្ភៈ ប្រព័ន្ធផ្សព្វផ្សាយថៃបានរាយការណ៍ថា អតីត នាយករដ្ឋមន្ត្រី ថាក់ស៊ីន ស៊ីណាវ៉ាត្រា នឹងត្រូវដោះលែងក្នុងពេលឆាប់ៗនេះ។ រដ្ឋមន្ត្រីក្រសួងយុត្តិធម៌ថៃ លោក Tawee Sodsong បាននិយាយថា លោកថាក់ស៊ីន ស្ថិតក្នុងបញ្ជីអ្នកទោសចំនួន ៩៣០នាក់ ដែលមានសិទ្ធិដោះលែង ដោយសារសុខភាពមិនល្អ ឬមានអាយុលើសពី ៧០ឆ្នាំ។

លោកថាក់ស៊ីន អាយុ៧៤ឆ្នាំ បានត្រឡប់មកប្រទេសថៃវិញនៅថ្ងៃទី២២ ខែសីហា ឆ្នាំ២០២៣ បន្ទាប់ពីនិរទេសខ្លួននៅក្រៅប្រទេសអស់រយៈពេល១៥ឆ្នាំ ដើម្បីប្រឈមមុខនឹងការផ្តន្ទាទោសពីបទពុករលួយ និងរំលោភអំណាចក្នុងពេលកាន់តំណែងមុនឆ្នាំ២០០៦។ អតីតនាយករដ្ឋមន្ត្រីថាក់ស៊ីន ត្រូវបានផ្ទេរពីមណ្ឌលឃុំឃាំងទីក្រុងបាងកក ទៅកាន់មន្ទីរពេទ្យទូទៅនៅយប់ថ្ងៃទី២២ ខែសីហា ដោយសារហេតុផលសុខភាព ហើយត្រូវបានគេជឿថា បានទទួលការ ព្យាបាល តាំងពីពេលនោះមក។ ទោស​ជាប់​ពន្ធនាគារ​របស់​គាត់​ត្រូវ​បាន​កាត់​បន្ថយ​ពី ៨ ឆ្នាំ​មក​ត្រឹម ១ ឆ្នាំ​ដោយ​រាជវង្ស​ថៃ។

យោងតាមកាសែតបាងកកប៉ុស្តិ៍ រដ្ឋមន្ត្រីក្រសួងយុត្តិធម៌ Tawee Sodsong បានបញ្ជាក់ថា អតីតនាយករដ្ឋមន្ត្រីដែលត្រូវបានកាត់ទោសនឹងត្រូវលើកលែងទោសនៅថ្ងៃទី១៨ ខែកុម្ភៈ ដោយសារតែគាត់មានវ័យចំណាស់ និងជំងឺធ្ងន់ធ្ងរ។

ទោះបីជាយ៉ាងណាក៏ដោយ បើទោះបីជាត្រូវបានដោះលែងឱ្យនៅក្រៅឃុំក៏ដោយ ក៏អតីតមេដឹកនាំរូបនេះនៅតែអាចត្រូវបានគេឃុំខ្លួន ខណៈដែលព្រះរាជអាជ្ញាកំពុងពិចារណាចោទប្រកាន់គាត់ពីបទប្រមាថព្រះមហាក្សត្រ ជុំវិញបទសម្ភាសន៍មួយកាលពីឆ្នាំ 2015។

ខាន់ មីន