អគ្គិភ័យឆេះហាងលក់សម្លៀកបំពាក់នៅទីក្រុងហូជីមិញ

កាលពីថ្ងៃទី២៣ ខែសីហា អាជ្ញាធរស្រុក Binh Chanh កំពុងស៊ើបអង្កេតរកមូលហេតុដែលបណ្តាលឲ្យមានអគ្គីភ័យឆាបឆេះហាងសំលៀកបំពាក់មួយកន្លែងក្នុងឃុំ Vinh Loc B។

នៅម៉ោងប្រហែល៤និង៣០នាទីទៀបភ្លឺថ្ងៃដដែល អគ្គិភ័យបានឆាបឆេះហាងលក់សម្លៀកបំពាក់មួយកន្លែងនៅផ្លូវ Nguyen Thi Tu ឃុំ Vinh Loc B ។ ពេលឃើញហេតុការណ៍នេះ ប្រជាពលរដ្ឋនៅក្បែរនោះស្រែកឆោឡោ និងព្យាយាមពន្លត់ភ្លើងនៅនឹងកន្លែងតែមិនបានសម្រេច ។

Cháy tiệm quần áo ở TPHCM - 1 — ហាងលក់សម្លៀកបំពាក់មួយកន្លែងនៅផ្លូវ Nguyen Thi Tu ស្រុក Binh Chanh ត្រូវភ្លើងឆាបឆេះទាំងព្រឹកព្រលឹម (រូបថតកាត់ចេញពីឃ្លីប)។

ក្រោយទទួលបានដំណឹងនេះ កម្លាំងនគរបាលបង្ការ និងពន្លត់អគ្គីភ័យ នៃស្នងការដ្ឋាននគរបាលស្រុកបិញចាញ់ បានចល័តមន្ត្រី ទាហាន និងរថយន្តពន្លត់អគ្គិភ័យជាច្រើនគ្រឿង ចុះទៅកន្លែងកើតហេតុភ្លាមៗ ដើម្បីពន្លត់ភ្លើង និងទប់ស្កាត់កុំឲ្យឆេះរាលដាល។ ភ្លើងត្រូវបានពន្លត់ភ្លាមៗ។

ថ្លែងទៅកាន់ អ្នកសារព័ត៌មាន Dan Tri ប្រធានគណៈកម្មាធិការប្រជាជនឃុំ Vinh Loc B បាននិយាយថា អគ្គិភ័យនេះមិនបណ្តាលឲ្យមនុស្សណាម្នាក់រងរបួសនោះទេ ប៉ុន្តែបានឆេះបំផ្លាញទ្រព្យសម្បត្តិជាច្រើននៅក្នុងហាងលក់សំលៀកបំពាក់។ ទូ ATM និងផ្នែកមួយនៃផ្លាកសញ្ញាធនាគារនៅជាប់នឹងវាត្រូវបានដុតបំផ្លាញ។

មូលហេតុនៃការឆាបឆេះ និងទំហំនៃការខូចខាតសមត្ថកិច្ចកំពុងធ្វើការបំភ្លឺ។

ប្រភព៖ https://dantri.com.vn/xa-hoi/chay-tiem-quan-ao-o-tphcm-20240823101537837.htm