គ្មាន​ការ​ហៅ​ទូរស័ព្ទ ឬ​ពិចារណា​ទៀត​ទេ អាមេរិក​ដាក់​ទណ្ឌកម្ម​ស៊ូដង់​ភ្លាមៗ

ទីប្រឹក្សាសន្តិសុខជាតិអាមេរិក Jake Sullivan ។ (ប្រភព៖ Reuters)

ចំណាត់ការនេះកើតឡើងចំពេលមានក្តីបារម្ភជុំវិញជម្លោះអូសបន្លាយ និងការរងទុក្ខរីករាលដាលនៅក្នុងប្រទេសអាហ្រ្វិកភាគឦសាន ខណៈដែលភាគីទាំងពីរមិនប្រកាន់ខ្ជាប់នូវបទឈប់បាញ់។

យោងតាមទីភ្នាក់ងារមនុស្សធម៌របស់អង្គការសហប្រជាជាតិ (UN) កាលពីថ្ងៃទី 31 ឧសភា បានឱ្យដឹងថា មនុស្សជាង 1.2 លាននាក់ត្រូវបានផ្លាស់ទីលំនៅចេញពីផ្ទះរបស់ពួកគេក្នុងរយៈពេលប្រាំមួយសប្តាហ៍ចាប់តាំងពីជម្លោះបានចាប់ផ្តើមនៅក្នុងប្រទេសស៊ូដង់។

កន្លងមក សហរដ្ឋអាមេរិកបានធ្វើការអំពាវនាវជាច្រើនសម្រាប់គ្រប់ភាគីទាំងអស់ឱ្យទប់ស្កាត់ជម្លោះ និងគោរពតាមបទឈប់បាញ់ ហើយបានព្រមានថានឹងមានវិធានការខ្លាំង។

ថ្លែងនៅក្នុងសន្និសីទសារព័ត៌មានមួយបន្ទាប់ពីកិច្ចប្រជុំរដ្ឋមន្ត្រីការបរទេសរបស់អង្គការណាតូរយៈពេលពីរថ្ងៃនៅថ្ងៃទី 30 ខែឧសភាដល់ថ្ងៃទី 1 ខែមិថុនានៅទីក្រុង Oslo (ប្រទេសន័រវែស) រដ្ឋមន្ត្រីការបរទេសអាមេរិកលោក Antony Blinken បាននិយាយថា "យើងកំពុងពិចារណាលើជំហានដែលយើងអាចចាត់វិធានការដើម្បីបញ្ជាក់យ៉ាងច្បាស់អំពីជំហររបស់យើងចំពោះមេដឹកនាំណាដែលនាំស៊ូដង់ក្នុងទិសដៅខុស" ។

អ្នកការទូត ​អាមេរិក​បាន​ពណ៌នា​ស្ថានភាព​នៅ​ស៊ូដង់​ថា​«​ផុយស្រួយ​ខ្លាំង​»។

ទន្ទឹមនឹងនោះ ក្រសួងការបរទេស អាមេរិកបានអះអាងថា៖ «នៅពេលដែលកងកម្លាំងបង្ហាញយ៉ាងច្បាស់តាមរយៈសកម្មភាពរបស់ពួកគេថា ពួកគេពិតជាយកចិត្តទុកដាក់ចំពោះបទឈប់បាញ់ សហរដ្ឋអាមេរិក និងអារ៉ាប៊ីសាអូឌីតបានត្រៀមខ្លួនដើម្បីបន្តសម្របសម្រួលការពិភាក្សាដែលបានផ្អាកដើម្បីស្វែងរកដំណោះស្រាយចរចាសម្រាប់ជម្លោះនេះ»។

កងទ័ពស៊ូដង់បានបំផ្ទុះមូលដ្ឋានទ័ពប៉ារ៉ាកាលពីថ្ងៃទី ៣១ ឧសភា បន្ទាប់ពីដកខ្លួនចេញពីកិច្ចចរចាបទឈប់បាញ់ ដោយចោទប្រកាន់ក្រុមទាហានថាបានបំពានបទឈប់បាញ់ដើម្បីទទួលបានជំនួយ។