SGGP ០៨/០៦/២០២៣ ០៦:១៧

កាលពីថ្ងៃទី៥ ខែសីហា គណៈកម្មាធិការជាតិរៀបចំការបោះឆ្នោតកម្ពុជា (គ.ជ.ប) បានប្រកាសជាផ្លូវការនូវលទ្ធផលបោះឆ្នោត និងបញ្ជីបេក្ខជនឈរឈ្មោះបោះឆ្នោតជ្រើសតាំងតំណាងរាស្រ្ត នីតិកាលទី៧ ដោយទទួលបានជ័យជំនៈដ៏លើសលុប ជារបស់គណបក្សប្រជាជនកម្ពុជា (CPP)។

បេក្ខជន​គណបក្ស​ប្រជាជន​កម្ពុជា លោក ហ៊ុន ម៉ាណែត ថ្លែង​ក្នុង​ពេល​ហែ​ក្បួន​ឃោសនា​បោះឆ្នោត​នៅ​រាជធានី​ភ្នំពេញ កាល​ពី​ថ្ងៃ​ទី​២១ ខែ​កក្កដា ឆ្នាំ​២០២៣។

អាស្រ័យហេតុនេះ ដោយមានសំឡេងគាំទ្រជិត ៦,៤លាន ស្មើនឹង ៨២,៣% នៃសន្លឹកឆ្នោតមានសុពលភាពសរុបជាង ៧,៧លានសំឡេង គណបក្សប្រជាជនកម្ពុជាទទួលបានអាសនៈសភាចំនួន ១២០។ អាសនៈ​សភា​ចំនួន​ប្រាំ​ដែល​នៅ​សេសសល់​ជា​របស់​គណបក្ស​រាជានិយម​ហ៊្វុនស៊ិនប៉ិច​ដែល​មាន​សំឡេង​ឆ្នោត​ច្រើន​ជាង​៧០​ម៉ឺន​សំឡេង​ស្មើ​ជាង​៩%​នៃ​សំឡេង​ឆ្នោត​មាន​សុពលភាព​សរុប។

យោងតាមលទ្ធផលផ្លូវការ ដែលប្រកាសដោយ គ.ជ.ប បេក្ខជន ហ៊ុន ម៉ាណែត និងបេក្ខជន ១០រូបផ្សេងទៀត របស់គណបក្សកាន់អំណាច ត្រូវបានបោះឆ្នោតជ្រើសតាំងជាសមាជិករដ្ឋសភា នីតិកាលទី៧ របស់កម្ពុជា ក្នុងមណ្ឌលរាជធានីភ្នំពេញ ដែលមានអាសនៈសភាចំនួន ១២ ត្រូវបានបែងចែក។

នៅព្រឹកថ្ងៃទី៥ ខែសីហា នេះផងដែរ គណបក្សប្រជាជនកម្ពុជា បានចេញសេចក្តីថ្លែងការណ៍មួយ ដោយសន្យាថា រាជរដ្ឋាភិបាលកម្ពុជា អាណត្តិទី៧ ដែលនឹងត្រូវបង្កើតឡើងនៅថ្ងៃខាងមុខ ដែលដឹកនាំដោយលោកបណ្ឌិត ហ៊ុន ម៉ាណែត នឹងបន្តពង្រឹងឯកភាពជាតិ និងខិតខំអនុវត្តឲ្យបានជោគជ័យនូវវេទិកានយោបាយដែលបានប្រកាស ឆ្លើយតបនឹងការជឿទុកចិត្តរបស់ប្រជាពលរដ្ឋមកលើគណបក្សប្រជាជន។