នាថ្ងៃទី ២០ មករា អ្នកនាំពាក្យក្រសួងការបរទេសវៀតណាមលោក Pham Thu Hang បានអះអាងដូច្នេះនៅពេលឆ្លើយសំណួររបស់អ្នកសារព័ត៌មានដែលសួរអំពីទស្សនៈរបស់វៀតណាមលើការដណ្តើមកាន់កាប់ Hoang Sa របស់ចិនក្នុងឆ្នាំ ១៩៧៤។

លោកស្រី Hang បានសង្កត់ធ្ងន់ដូចដែលបានបញ្ជាក់ជាច្រើនលើកមកហើយថា វៀតណាមមានមូលដ្ឋានច្បាប់ និងភស្តុតាងប្រវត្តិសាស្ត្រគ្រប់គ្រាន់ដើម្បីបញ្ជាក់អធិបតេយ្យភាពរបស់ខ្លួនលើប្រជុំកោះ Hoang Sa និង Truong Sa។

អ្នកនាំពាក្យក្រសួងការបរទេសវៀតណាមបាននិយាយថា "ជាពិសេសអធិបតេយ្យភាពរបស់វៀតណាមចំពោះ Hoang Sa ត្រូវបានបង្កើតឡើងយ៉ាងហោចណាស់តាំងពីសតវត្សទី 17 មក ស្របតាមច្បាប់អន្តរជាតិ ហើយត្រូវបានអនុវត្តដោយសន្តិវិធី បន្ត និងជាសាធារណៈដោយរដ្ឋជាបន្តបន្ទាប់របស់វៀតណាម"។

លោកស្រី Pham Thu Hang បានបញ្ជាក់ថា រាល់ទង្វើនៃការប្រើប្រាស់កម្លាំង ឬការគំរាមកំហែងប្រើប្រាស់កម្លាំងក្នុងទំនាក់ទំនងអន្តរជាតិ ជាពិសេសការប្រើប្រាស់កម្លាំងដើម្បីដោះស្រាយវិវាទលើអធិបតេយ្យភាពទឹកដីក្នុងទំនាក់ទំនងរវាងប្រទេស គឺផ្ទុយទាំងស្រុងទៅនឹងគោលការណ៍ជាមូលដ្ឋាននៃធម្មនុញ្ញអង្គការសហប្រជាជាតិ។

សកម្មភាពទាំងនេះក៏បំពានច្បាប់អន្តរជាតិយ៉ាងធ្ងន់ធ្ងរ មិនអាចបង្កើតឋានៈអធិបតេយ្យភាព និងមិនអាចផ្លាស់ប្តូរការពិតដែលអធិបតេយ្យភាពលើប្រជុំកោះ Hoang Sa ជារបស់វៀតណាម។