កាលពីឆ្នាំមុន ប្រទេសឥណ្ឌូណេស៊ីបានហាមឃាត់ក្រុមហ៊ុន Apple ពីការលក់ iPhone 16 បន្ទាប់ពីក្រុមហ៊ុនអាមេរិកបានបរាជ័យក្នុងការបំពេញតាមបទប្បញ្ញត្តិដែលតម្រូវឱ្យស្មាតហ្វូនដែលលក់នៅក្នុងប្រទេសនេះរួមបញ្ចូលសមាសធាតុផលិតក្នុងស្រុកយ៉ាងហោចណាស់ 35% ។

រដ្ឋមន្ត្រីឧស្សាហកម្មឥណ្ឌូណេស៊ី លោក Agus Gumiwang Kartassmita បាននិយាយថា ថ្មីៗនេះ Apple បានឈានដល់កិច្ចព្រមព្រៀងមួយ ដើម្បីសាងសង់រោងចក្រផលិតឧបករណ៍តាមដាន Airtag នៅលើកោះ Batam ប្រទេសឥណ្ឌូនេស៊ី នៅជិតប្រទេសសិង្ហបុរី ប៉ុន្តែវានៅតែមិនរាប់បញ្ចូលជាគ្រឿងបន្លាស់ iPhone ដែលផលិតក្នុងស្រុក។

លោក Kartasasmita បាននិយាយថា "ក្រសួងឧស្សាហកម្មមិនមានមូលដ្ឋានក្នុងការចេញវិញ្ញាបនបត្រនៃសមាសធាតុដែលផលិតក្នុងស្រុកជាមធ្យោបាយសម្រាប់ Apple ដើម្បីទទួលបានសិទ្ធិលក់ iPhone 16 ទេ ពីព្រោះរោងចក្រផលិតនេះមិនពាក់ព័ន្ធទេ" ។

យោងតាមអាជ្ញាធរឥណ្ឌូនេស៊ី រោងចក្រ Apple គ្រោងនឹងសាងសង់នៅក្នុងប្រជុំកោះនេះមានតម្លៃ 1 ពាន់លានដុល្លារ ហើយត្រូវបានគេរំពឹងថានឹងដំណើរការនៅឆ្នាំ 2026 ។

បន្ទាប់ពីកិច្ចប្រជុំជាមួយអនុប្រធានផ្នែកកិច្ចការរដ្ឋាភិបាលពិភពលោករបស់ Apple លោក Nick Ammann លោក Kartasasmita បាននិយាយថា Apple បានស្នើសុំ "ការវិនិយោគប្រកបដោយភាពច្នៃប្រឌិត" ដែលឥណ្ឌូនេស៊ីបានជំទាស់។

Apple មិនមានរោងចក្រផលិតនៅឥណ្ឌូនេស៊ី ដែលជាប្រទេសមានប្រជាជនប្រមាណ 280 លាននាក់ ប៉ុន្តែបានបង្កើត App Developer Academies នៅទីនោះតាំងពីឆ្នាំ 2018 មកម្ល៉េះ។

(ប្រភព Reuters)