អាស៊ាន​ចេញ​សេចក្តីថ្លែងការណ៍​រួម​ស្តី​ពី​ព្យុះទីហ្វុង Yagi

ប្រឈមមុខនឹងការខូចខាតយ៉ាងធ្ងន់ធ្ងរដល់មនុស្ស និងទ្រព្យសម្បត្តិដែលបណ្តាលមកពីព្យុះ Yagi
នៅប្រទេសមួយចំនួនក្នុងតំបន់ កាលពីថ្ងៃទី១១ ខែកញ្ញា ឆ្នាំ២០២៤ រដ្ឋមន្ត្រីការបរទេស អាស៊ានបានចេញសេចក្តីថ្លែងការណ៍រួមមួយស្តីពីបញ្ហានេះ។

នៅក្នុងសេចក្តីថ្លែងការណ៍ រដ្ឋមន្ត្រីការបរទេសអាស៊ានបានសម្តែងនូវទុក្ខសោក និង
សូមចូលរួមរំលែកទុក្ខយ៉ាងក្រៀមក្រំចំពោះការខូចខាតដែលបង្កឡើងដោយព្យុះទីហ្វុង Yagi នៅហ្វីលីពីន វៀតណាម ឡាវ ថៃ ចិន និងប្រទេសជាច្រើនទៀត។

រដ្ឋមន្ត្រីបានបញ្ជាក់ពីសាមគ្គីភាពរបស់ពួកគេជាមួយប្រទេសដែលរងផលប៉ះពាល់ ក៏ដូចជាការត្រៀមខ្លួនក្នុងកិច្ចសហប្រតិបត្តិការ និងរួមចំណែកដល់កិច្ចខិតខំប្រឹងប្រែងសង្គ្រោះ រួមទាំងតាមរយៈមជ្ឈមណ្ឌលសម្របសម្រួលអាស៊ានសម្រាប់ជំនួយមនុស្សធម៌លើការគ្រប់គ្រងគ្រោះមហន្តរាយ (AHA Centre)។